ជនសង្ស័យប្រើប្រាស់គ្រឿងញៀន ១០នាក់ត្រូវបាននគរបាលឃាត់ខ្លួន
13-November-2017 | ដោយ ពលមនសិការ
ភ្នំពេញ ៖ លោកវរសេនីយ៍ត្រី គួក សុខហួរ អធិការរងខណ្ឌសែនសុខបានឲ្យដឹងថា កម្លាំងនគរបាលខណ្ឌសែនសុខសហការជាមួយប៉ុស្តិ៍នគរបាលរដ្ឋបានល បង្ក្រាប ៣ករណី ឃាត់ខ្លួនចំនួន១០នាក់ ករណីប្រើប្រាស់គ្រឿងញៀន។
ករណទី១ ៖ កាលថ្ងៃទី១២ ខែវិច្ឆិកា ឆ្នាំ២០១៧ វេលាម៉ោង១៦ និង១០នាទី ប៉ុស្តិ៍គោកឃ្លាងបានធ្វើការឃាត់ខ្លួនជនសង្ស័យចំនួន០៣នាក់ ករណីប្រើប្រាស់គ្រឿងញៀន នៅចំណុចតាមផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ។ ជនសង្ស័យចំនួន០៣នាក់រួមមាន ៖ ទី១-ឈ្មោះ ធឿន ដាវីត ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅភូមិពោងពាយ សង្កាត់ភ្នំពេញថ្មី ខណ្ឌសែនសុខ, ទី២-ឈ្មោះ ហៀង លី ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅសង្កាត់គោករការ ខណ្ឌពោធិ៍សែនជ័យ, ទី៣-ឈ្មោះ ខន វិចិត្រ ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅភូមិច្រេស សង្កាត់គោកឃ្លាង ខណ្ឌសែនសុខ ។
សម្ភារៈដកហូត ៖ ម៉ូតូចំនួនមួយគ្រឿង ម៉ាកស៊ីរូស ពណ៌ក្រហម គ្មានស្លាកលេខ ។
សមត្ថកិច្ចបានឲ្យដឹងថា មុនពេលកើតហេតុ កម្លាំងល្បាតប៉ុស្តិ៍គោកឃ្លាង បានធ្វើការល្បាតក្នុងភូមិសាស្ត្រលុះដល់ចំណុចកើតហេតុ ឃើញជនសង្ស័យ០៣នាក់ កំពុងជិះម៉ូតូមួយគ្រឿងឌុបគ្នាតាមផ្លូវដោយមានការសង្ស័យកម្លាំងល្បាតយើងបាន ហៅជនសង្ស័យឲ្យឈប់ធ្វើការត្រួតពិនិត្យលើដងខ្លួន រួចនាំខ្លួនជនសង្ស័យយកមកធ្វើការសាកសួរ និងត្រួតពិនិត្យរកសារធាតុញៀនក្នុងទឹកនោម នៅអធិការដ្ឋាននគរបាលខណ្ឌសែនសុខ។ បច្ចុប្បន្ន ៖ ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ។
ករណីទី២ ៖ កាលពីថ្ងៃទី១២ ខែវិច្ឆិកា ឆ្នាំ២០១៧ វេលាម៉ោង២១ និង៣០នាទី ប៉ុស្តិ៍ភ្នំពេញថ្មី បានធ្វើការឃាត់ខ្លួនជនសង្ស័យចំនួន០២នាក់ ករណីប្រើប្រាស់គ្រឿងញៀន នៅចំណុចតាមផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ។
ជនសង្ស័យចំនួន០២នាក់រួមមាន ៖ ទី១-ឈ្មោះ ផង់ ផាលិ ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិបន្លាស្អិត សង្កាត់ឃ្មួញ ខណ្ឌសែនសុខ, ទី២-ឈ្មោះ យ៉ាន យូរ៉ាន់ ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិបន្លាស្អិត សង្កាត់ឃ្មួញ ខណ្ឌសែនសុខ។
សម្ភារៈដកហូត ៖ ម៉ូតូចំនួនមួយគ្រឿង ម៉ាកKYMLO ពណ៌ខ្មៅ ពាក់ស្លាកលេខ ភ្នំពេញ1BP-0507 និងក្រាមសថ្លាចំនួន០១កូនថង់តូច ។
មន្ត្រីនគរបាលប៉ុស្តិ៍ភ្នំពេញថ្មី បានឲ្យមុនពេលកើតហេតុ កម្លាំងល្បាតប៉ុស្តិ៍ភ្នំពេញថ្មី បានធ្វើការល្បាតក្នុងភូមិសាស្ត្រលុះដល់ចំណុចកើតហេតុ ឃើញជនសង្ស័យ០២នាក់ កំពុងជិះម៉ូតូមួយគ្រឿងឌុបគ្នាតាមផ្លូវដោយមានការសង្ស័យកម្លាំងល្បាតយើងបាន ហៅជនសង្ស័យឲ្យឈប់ធ្វើការត្រួតពិនិត្យលើដងខ្លួនរកឃើញវត្ថុតាងខាងលើ រួចនាំខ្លួនជនសង្ស័យយកមកធ្វើការសាក សួរនៅអធិការដ្ឋាននគរបាលខណ្ឌសែនសុខ។ បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី។
ករណីទី៣ ៖ កាលពីថ្ងៃទី១២ ខែវិច្ឆិកា ឆ្នាំ២០១៧ វេលាម៉ោង១៩ និង៣០នាទី ប៉ុស្តិ៍គោកឃ្លាងបានធ្វើការឃាត់ខ្លួនជនសង្ស័យចំនួន០៥នាក់ ករណីប្រើប្រាស់គ្រឿងញៀន នៅចំណុចតាមផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ០១លើក ។
ជនសង្ស័យចំនួន០៥នាក់រួមមាន ៖ ទី១-ឈ្មោះ ហ៊ុត រ៉ៃ ភេទប្រុស អាយុ២០ឆ្នាំ មុខរបរកម្មករសំណង់ ស្នាក់នៅបន្ទប់ជួល ភូមិទួលពង្រ សង្កាត់ទួលពង្រ ខណ្ឌពោធិ៍សែនជ័យ ទី២-ឈ្មោះ សន តុង ភេទប្រុស អាយុ១៨ឆ្នាំ មុខរបរកម្មករសំណង់ ស្នាក់នៅបន្ទប់ជួល ភូមិទួលពង្រ សង្កាត់ទួលពង្រ ខណ្ឌពោធិ៍សែនជ័យ ទី៣-ឈ្មោះ យឿន រ៉ាដូ ភេទប្រុស អាយុ២៤ឆ្នាំ មុខរបរគ្មាន ស្នាក់នៅបន្ទប់ជួល ភូមិទ្រា សង្កាត់ស្ទឹងមានជ័យ ខណ្ឌមានជ័យ ទី៤-ឈ្មោះ ហួត សុវណ្ណ ភេទប្រុស អាយុ១៨ឆ្នាំ មុខរបរគ្មាន ស្នាក់នៅបន្ទប់ជួល ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ និងទី៥-ឈ្មោះ នី សាវ៉ុន ភេទប្រុស អាយុ២៥ឆ្នាំ មុខរបរគ្មាន ស្នាក់នៅបន្ទប់ជួល ភូមិចាក់ជ្រូក សង្កាត់សំរោង ខណ្ឌពោធិ៍សែនជ័យ។ សម្ភារៈដកហូត ៖ ម៉ូតូចំនួនមួយគ្រឿង ម៉ាកសេ១២៥ ផលិតឆ្នាំ២០១២ ពណ៌ខ្មៅ ស្លាកលេខភ្នំពេញ1BQ-3157។
មន្ត្រីប៉ុស្តិ៍គោកឃ្លាងបានឲ្យដឹងថា មុនពេលកើតហេតុ កម្លាំងល្បាតប៉ុស្តិ៍ភ្នំពេញថ្មី បានធ្វើការល្បាតក្នុងភូមិសាស្ត្រលុះដល់ចំណុចកើតហេតុ ឃើញជនសង្ស័យ០៥នាក់ កំពុងជិះម៉ូតូមួយគ្រឿងឌុបគ្នាតាមផ្លូវដោយមានការសង្ស័យកម្លាំងល្បាតយើងបាន ហៅជនសង្ស័យឲ្យឈប់ធ្វើការត្រួតពិនិត្យលើដងខ្លួន រួចនាំខ្លួនជនសង្ស័យយកមកធ្វើការសាកសួរ និងត្រួតពិនិត្យរកសារធាតុញៀនក្នុងទឹកនោម នៅអធិការដ្ឋាននគរបាលខណ្ឌសែនសុខ ។ បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ461
- ម្សិលមិញ10851
- សប្តាហ៍នេះ66981
- ខែនេះ182131
- ឆ្នាំនេះ182131
- សរុប20624587