ជនសង្ស័យជាចោរប្លន់ ៥នាក់ត្រូវបានសមត្ថកិច្ចបង្ហាញមុខជាសាធារណៈ នៅស្នងការដ្ឋាននគរបាលរាជធានីភ្នំពេញ
13-November-2017 | ដោយ ពលមនសិការ
ភ្នំពេញ ៖ ជនសង្ស័យជាចោរប្លន់ប្រដាប់អាវុធ និងមុខសញ្ញាប្រើប្រាស់គ្រឿងញៀន ៥នាក់ត្រូវបានកម្លាំងការិយាល័យព្រហ្មទណ្ឌកម្រិតស្រាលធ្វើសន្និសីទ បង្ហាញមុខជាសាធារណៈនៅព្រឹកថ្ងៃទី១៣ ខែវិច្ឆិកា ឆ្នាំ២០១៧។
ករណីទី១ ៖ ករណីប្លន់ជនរងគ្រោះបណ្តាលឲ្យរបួសយកម៉ូតូមួយគ្រឿង ម៉ាកហុងដាស្កុបពីពណ៌ស សេរីឆ្នាំ២០១៨ ពាក់ស្លាកលេខ ភ្នំពេញ 1GP-0078 កាលពីថ្ងៃទី៧ ខែវិច្ឆិកា ឆ្នាំ២០១៧ វេលាម៉ោងប្រហែល២១និង១០នាទី នៅចំណុចមុខផ្ទះលេខ៩៥EO ផ្លូវ១៤៩ ក្រុម១៥ ភូមិ៣ សង្កាត់វាលវង់ ខណ្ឌ៧មករា រាជធានីភ្នំពេញ។
ករណីទី២ ៖ ប្លន់បាញ់យកម៉ូតូ មួយគ្រឿងម៉ាកហុងដា សេ125 សេរី២០១៧ ពណ៌ខ្មៅ ពាក់ស្លាកលេខភ្នំពេញ 1FT-3968 កាលពីថ្ងៃទី១០ ខែវិច្ឆិកា ឆ្នាំ២០១៧ វេលាម៉ោង៦និង៣០នាទី នៅចំណុចមុខផ្ទះលេខ ៧៨ ផ្លូវ២០០៤ សង្កាត់កាកាប១ ខណ្ឌពោធិ៍សែនជ័យ។
ក្រោមការដឹកនាំបញ្ជាផ្ទាល់ពីឯកឧត្តម អភិបាល នៃគណៈអភិបាលរាជធានីភ្នំពេញ ដែលជាប្រធានគណៈបញ្ជាឯកភាពរាជធានីភ្នំពេញ, ឯកឧត្តម នាយឧត្តមសេនីយ៍ អគ្គស្នងការរង និងជាស្នងការនគរបាលរាជធានីភ្នំពេញ, លោក ស្នងការរងទទួលផែននគរបាលព្រហ្មទណ្ឌ បានបញ្ជាឲ្យការិយាល័យជំនាញនិងអធិការដ្ឋានដែលពាក់ព័ន្ធ ចំណុះឲ្យស្នងការដ្ឋាននគរបាលរាជធានីភ្នំពេញ ធ្វើយ៉ាងណាស្រាវជ្រាវបង្ក្រាបឲ្យខានតែបានក្រុមប្រដាប់អាវុធខាងលើ។
ជាក់ស្តែងការិយាល័យនគរបាលព្រហ្មទណ្ឌកម្រិតធ្ងន់សហការជាមួយកម្លាំងអធិការដ្ឋាននគរបាលខណ្ឌសែនសុខ, អធិការដ្ឋាននគរបាលខណ្ឌ៧មករា, ទួលគោក និងពោធិសែនជ័យ ក្រោមការសម្របសម្រួលពីលោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានធ្វើការស្រាជ្រាវ យ៉ាងយកចិត្តទុកដាក់អស់រយៈពេល៣ថ្ងៃទើបឈានទៅធ្វើការបង្ក្រាបបានក្រុមប្លន់ប្រដាប់អាវុធយកម៉ូតូខងលើបានចំនួន ២នាក់ កាលពីថ្ងៃទី១១ ខែវច្ឆិកា ឆ្នាំ២០១៧ នៅចំណុចផ្ទះជួលគ្មានលេខ ផ្លូវបេតុង ភូមិ-សង្កាត់អូរបែកក្អម ខណ្ឌសែនសុខ រាជធានីភ្នំពេញ។
លោកវរសេនីយ៍ឯក អេង សោភា ប្រធានការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញបានឲ្យដឹងថាជនសង្ស័យទី១-ឈ្មោះ ម៉ែន រ័ត្ន ហៅរ័ត្ន ភេទប្រុស អាយុ៣៤ឆ្នាំ ជនជាតិខ្មែរ រស់នៅផ្ទះជួលគ្មានលេខ ផ្លូវបេតុង ក្រុម៦ សង្កាត់អូរបែកក្អម ខណ្ឌសែនសុខ រាជធានីភ្នំពេញ មុខរបរមិនពិតប្រាកដ, និងទី២-ឈ្មោះ ឥន ចាន់ដារ៉ូត ហៅរ៉ូត ភេទប្រុស អាយុ២៤ឆ្នាំ ជនជាតិខ្មែរ រស់ផ្ទះជួលគ្មានលេខ ផ្លូវទេពផន សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ មុខរបរមិនពិតប្រាកដ។
ដោយក្នុងនោះកម្លាំងជំនាញក៏បានឃាត់ខ្លួនអ្នកប្រើប្រាស់គ្រឿងញៀន ចំនួន៥នាក់ នៅក្នុងផ្ទះជួលនោះផងដែរ ស្រី២នាក់។
លោកប្រធានការិយាល័យបានបន្តថា ជនសង្ស័យប្រើប្រាស់គ្រឿងញៀនទាំង៥នាក់រួមមានៈ ទី១-ឈ្មោះ ឃីន ដឺលុច្ស ភេទប្រុស អាយុ៣៤ឆ្នាំ ជនជាតិខ្មែរ រស់នៅផ្ទះជួលគ្មានលេខ ផ្លូវបេតុង សង្កាត់អូរបែកក្អម ខណ្ឌសែនសុខ រាជធានីភ្នំពេញ មុខរបរ ធ្វើជ្រូកខ្វៃ, ទី-ឈ្មោះ ប៊ុត សិលា ភេទប្រុស អាយុ២៤ឆ្នាំ ជនជាតិខ្មែរ រស់នៅផ្ទះជួលគ្មានលេខ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ មុខរបរបុគ្គលិកផ្នែកម្ហូប នៅព្រលានយន្តហោះ, ទី៣-ឈ្មោះ ហេង សាវុធ ភេទប្រុស អាយុ២៧ឆ្នាំ ជនជាតិខ្មែរ រស់នៅផ្ទះលេខ២៨ ផ្លូវ៥៩០ សង្កាត់បឹងកក់ទី២ ខណ្ឌទួលគោក រាជធានីភ្នំពេញ មុខរបរមិនពិតប្រាកដ, ទី៤-ឈ្មោះ ហ៊ីម ពៅ ភេទស្រី អាយុ២១ឆ្នាំ ជនជាតិខ្មែរ រស់នៅផ្ទះជួលគ្មានលេខ ភូមិ-សង្កាត់ អូរបែកក្អម ខណ្ឌសែនសុខ រាជធានីភ្នំពេញ មុខរបរនៅផ្ទះ និងទី៥-ឈ្មោះ ហ៊ីម រ៉ៃ ភេទស្រី អាយុ១៩ឆ្នាំ ជនជាតិខ្មែរ រស់ផ្ទះជួលគ្មានលេខ ភូមិ-សង្កាត់អូរបែកក្អម ខណ្ឌសែនសុខ រាជធានីភ្នំពេញ មុខរបរនៅផ្ទះ។
សមត្ថកិច្ចដកហូតបានវត្ថុតាងរួមមានៈ អាវុធខ្លី២ដើម ម៉ាកការ៥៩លេខ២៦១ បង់មួយ គ្រាប់ចំនួន៥ និងម៉ាកប៉េអាកុល ប្រើហ្គាស លេខ៨៧១០៧២, គ្រឿងញៀនមួយកញ្ចប់ធំល្មម និងថង់វេចខ្ចប់គ្រឿងញៀនមួយចំនួន និងឧបករណ៍សម្រាប់ជក់គ្រឿងញៀន, ស្លាកលេខម៉ូតូមួយ(ភ្នំពេញ 1GP-0078) ជារបស់ជនរងគ្រោះ ដែលត្រូវចោរប្លន់ ក្នុងករណីទី១, ម៉ូតូ៤គ្រឿងរួមមានៈ មួយគ្រឿងម៉ាកហុងដា សេ125 ពណ៌ខ្មៅ ពាក់ស្លាកលេខ ភ្នំពេញ 1GH-0185 លេខតួនិងលេខម៉ាស៊ីន ៧៧៦៦៥១ ជាមធ្យោបាយជិះធ្វើសកម្មភាពប្លន់, ម៉ូតូម៉ាកហ្សូមម័រអ៊ិច ពណ៌ក្រហម+ស ពាក់ស្លាកលេខ ភ្នំពេញ 1GP-9136 លេខតួនិងលេខម៉ាស៊ីន ០១១៩០៨៧, ម៉ូតូម៉ាកវីវ៉ា ពណ៌ខ្មៅ ពាក់ស្លាកលេខ 1O-4175 លេខតួលេខម៉ាស៊ីន ៣២១៥៤០, ម៉ូតូម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1P-1862 លេខតួនិងលេខម៉ាស៊ីន ៣០១៩៦៥, ដាវសាម៉ូរ៉ៃ មួយដើម, អាយឌីមួយ, ម៉ូទ័រស្វានមួយ, មួកទាហានមួយ, ដែកកាច់កម៉ូតូ៣ និងសោរទីប ២, ដង្កាប់កែច្នៃ មួយ, កន្ត្រៃកាត់ដែកមួយ, រណាអារដែកមួយ, ដែកឆាប ២និងញញួរ២, ប្រដាប់បាញ់ស្លាកលេខមួយ ម៉ាកសូឡូ, ទូរសព្ទដៃ ២គ្រឿង(ម៉ាក oppo មួយគ្រឿង និងម៉ាកស៊ាំស៊ុង ពណ៌ស មួយគ្រឿង) ចង្អើរម៉ូតូ៤ និងគម្របច្រវ៉ាកមួយ និងសោរម៉ូតូកែច្នៃមួយចំនួន។ ឆ្លងតាមចម្លើយសារភាពជនសង្ស័យទាំងពីរនាក់ខាងលើ បានសារភាពថា ពួកខ្លួនពិតជាបានធ្វើសកម្មភាពបាញ់យកម៉ូតូចំនួន២ករណីក្នុងពេលថ្មី២នេះ ពិតប្រាកដមែន។
បច្ចុប្បន្នជនសង្ស័យ រួមនឹងវត្ថុតាងត្រូវបានកម្លាំងជំនាញកំពុងកសាងឯកសារដើម្បីបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ281
- ម្សិលមិញ10851
- សប្តាហ៍នេះ66801
- ខែនេះ181951
- ឆ្នាំនេះ181951
- សរុប20624407