បុរសម្នាក់រងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍រវាងរថយន្ត និងម៉ូតូបើកបរបញ្ច្រាសទិសគ្នានៅស្រុកបាទី
14-November-2017 | ដោយ ពលមនសិការ
តាកែវ ៖ លោកវរសេនីយ៍ឯក ង៉ាន់ សារី អធិការនគរបាលស្រុកបាទីបានឲ្យដឹងថាៈ ក្រោយពេលទទួលបានព័ត៌មានថាមាន ករណីគ្រោះថ្នាក់ចរាចរណ៍មួយកើតឡើងលើផ្លូវជាតិលេខ០២ លោកអធិការបានដឹកនាំកម្លាំងជំនាញចុះទៅពិនិត្យកន្លែងកើតហេតុភ្លាម។
លោកអធិការបញ្ជាក់ថាៈ នៅថ្ងៃទី១៤ ខែវិច្ឆិកា ឆ្នាំ២០១៧ វេលាម៉ោង១៩ និង០៥នាទី មានករណីគ្រោះថ្នាក់ចរាចរណ៍មួយកើតឡើង ត្រង់ចំណុចចន្លោះបង្គោលគីឡូម៉ែត្រលេខ៣៤-៣៥ ស្ថិតនៅក្នុងភូមិហនុមាន ឃុំក្រាំធ្នង់ ស្រុកបាទី ខេត្តតាកែវ។ ដែលបង្កឲ្យមានករណីគ្រោះថ្នាក់ចរាចរណ៍រមួយកើតឡើង វាងរថយន្ត និងម៉ូតូក្នុងទិសដៅបញ្ច្រាសទិសគ្នាពីជើងទៅត្បូង។ ដោយរថយន្តម៉ាកហ្វ៊តរ៉ែនជ័រ ពណ៌ស ពាក់ស្លាកលេខៈ រដ្ឋ12 2-0369 បើកបរពីខាងជើង ទៅត្បូង ដោយអ្នកបើកបរមិនស្គាល់ឈ្មោះ និងអាស័យដ្ឋាន (ពីព្រោះក្រោយពេលកើតហេតុម្ចាស់រថយន្តបានរត់គេចខ្លួនបាត់) បានបុកជាមួយនិងម៉ូតូម៉ាកហុងដា C125 ពណ៌ខ្មៅ សេរីឆ្នាំ២០១១ ស្លាកលេខភ្នំពេញ 1AW-4636 បើកបរពីត្បូងទៅជើង បើកបរដោយឈ្មោះ ហង់ កូ ភេទប្រុស អាយុ៤៨ឆ្នាំ (មិនពាក់មួកសុវត្ថិភាព) មានទីលំនៅភូមិត្រពាំងលើក ឃុំកណ្តឹង ស្រុកបាទី ខេត្តតាកែវ (របួសធ្ងន់) បានបញ្ជូនទៅមន្ទីរពេទ្យលោកសង្ឃ រាជធានីភ្នំពេញ។
លោកអធិការបន្តទៀតថាៈ មូលហេតុដែលធ្វើឲ្យមានគ្រោះថ្នាក់ចរាចរណ៍នេះកើតឡើងដោយសារតែរថយន្តវ៉ាជែងក្នុងស្ថានគ្រោះថ្នាក់។ បច្ចុប្បន្នជំនាញនាំយកវត្ថុតាងទាំងពីរមករក្សាទុកនៅអធិការដ្ឋាននគរបាលស្រុក ដើម្បីបំពេញបែបបទតាមនីតិវិធី ៕
ចំនួនអ្នកទស្សនា
- ថ្ងៃនេះ771
- ម្សិលមិញ10851
- សប្តាហ៍នេះ67291
- ខែនេះ182441
- ឆ្នាំនេះ182441
- សរុប20624897