ជនទំនើងជាកម្មករធ្វើនំបញ្ចុក និងសំណង់៣នាក់ ព្រួតវាយប្រហារ កម្មករម្នាក់បណ្តាលឲ្យស្លាប់ពេលបញ្ជូនទៅមន្ទីរពេទ្យ
17-November-2017 | ដោយ ពលមនសិការ
ព្រះសីហនុ ៖ កាលពីវេលាម៉ោង២២និង៣០នាទីយប់ ថ្ងៃទី១៦ ខែវិច្ឆិកា ឆ្នាំ២០១៧ កន្លងទៅនេះ មានអំពើហិង្សាមួយកើតឡើង បង្កដោយជនទំនើង៣នាក់ បានប្រើកាំបិត ពូថៅ ព្រួតវាយប្រហារ ទៅលើជនរងគ្រោះម្នាក់ បណ្តាលឲ្យរងរបួសធ្ងន់ ក្រោយមកបានស្លាប់ ពេលដែលបញ្ជូនមកសង្គ្រោះនៅមន្ទីរពេទ្យបង្អែកខេត្តព្រះសីហនុ។
រឿងហេតុនេះ បានកើតឡើងនៅភូមិបត់សិរមាន់ ឃុំព្រៃនប់ ស្រុកព្រៃនប់។ មូលហេតុដោយជនរងគ្រោះ និងជនសង្សយ័ធ្លាប់មានជម្លោះប៉ះទង្គិចពាក្យសម្តីនឹងគ្នា ។
របាយការណ៍បានបញ្ជាក់ថា៖ ក្រោយពេលទទួលបាន ព័ត៌មាននេះភ្លាម កម្លាំងប្រចាំបញ្ជា និងកងអន្តរាគមន៍ពិសេស នៃអធិការដ្ឋាននគរបាលស្រុកព្រៃនប់ បានចេញធ្វើអន្តរាគមន៍ភ្លាមៗ ហើយបានរុករក ចាប់ឃាត់ខ្លួនជនសង្សយ័បានចំនួន៣នាក់ នៅវេលាម៉ោង១និង៤០នាទី រំលងអធ្រាត្រឈានចូលថ្ងៃទី១៧ ខែវិច្ឆិកា។
សមត្ថកិច្ចបន្តថាជនសង្ស័យទី១-ឈ្មោះ សួន ចន្ឋូ ភេទប្រុស អាយុ ១៧ឆ្នាំ មុខរបរកម្មករធ្វើនំបញ្ជុក, ២-ឈ្មោះ ពិន ភក្រ័ ភេទប្រុស អាយុ ២៦ ឆ្នាំ មុខរបរកម្មករសំណង់ និងទី៣-ឈ្មោះ ប្រុស សុភា ភេទប្រុស អាយុ២៧ ឆ្នាំ មុខរបរកម្មករសំណង់។
ជនសង្សយ័ទាំង៣ មានទីលំនៅដូចគ្នា នៅភូមិបត់សិរមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ។ ពេលចាប់ខ្លួនសមត្ថកិច្ចបានរុករកដកហូតអាវុធជាវត្ថុតាងមាន៖ ចបជីក១, ពូថៅ១, និងចបកាប់១។
ជនរងគ្រោះឈ្មោះអោម សៅ ភេទប្រុស អាយុ១៩ ឆ្នាំ មុខរបរកម្មករសំណង់មានទីលំនៅដូចកន្លែងកើតហេតុ របួសធ្ងន់ ក្រោយមកបានស្លាប់តាមផ្លូវពេលបញ្ជូនទៅមន្ទីរពេទ្យបង្អែកខេត្តខេត្តព្រះសីហនុ ។ ក្រោយកើតកហេតុសមត្ថកិច្ចបានប្រគល់សព ជនរងគ្រោះ ជូនក្រុមគ្រួសារយកទៅធ្វើបុណ្យតាមប្រពៃណី។
ជនសង្ស័យទាំង៣ សមត្ថកិច្ចកំពុងសាកសួរ កសាងសំណុំរឿងតាមនីតិវិធីបញ្ជូនទៅសាលាដំបូងខេត្ត ដើម្បីចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ1541
- ម្សិលមិញ10851
- សប្តាហ៍នេះ68061
- ខែនេះ183211
- ឆ្នាំនេះ183211
- សរុប20625667