អគ្គីភ័យលេបត្របាក់ផ្ទះប្រជាពលរដ្ឋ៨ខ្នងនៅសង្កាត់បឹងកេងកងទី៣
18-November-2017 | ដោយ ពលមនសិការ
ភ្នំពេញ ៖ អគ្គីភ័យមួយបានកន្លែងកើតឡើងនៅផ្ទះលេខ៧២ ស្ថិតនៅតាមបណ្តោយផ្លូវលេខ៣៦០ ក្រុមទី១៩ ភូមិ៩ សង្កាត់បឹងកេងកងទី៣ ខណ្ឌចំការមន រាជធានីភ្នំពេញ នៅវេលាម៉ោង១៩និង២០នាទី។
មន្ត្រីនគរបាលការិយាល័យអគ្គីភ័យបានឲ្យដឹងថា ម្ចាស់ផ្ទះឈ្មោះ កែម សម្បត្តិ ភេទប្រុស អាយុ៧៨ឆ្នាំ មុខរបរ នៅផ្ទះ មូលហេតុកម្លាំងជំនាញកំពុងស្រាវជ្រាវ។ ហើយផ្ទះជាប្រភេទសំណង់ ផ្ទះឈើប្រក់ស័ង្កសី ទំហំ ៦ម៉ែត្រគុណ ៧ម៉ែត្រ។ ខូចខាតសម្ភារៈ ឆេះផ្ទះឈើប្រក់ស័ង្កសី ទំហំ៦ម៉ែត្រគុណ ៧ម៉ែត្រ មួយខ្នងទាំងស្រុងនិងរាលដាល់ដល់ផ្ទះអ្នកនៅក្បែរខាង ចំនួន ៧ខ្នង ក្នុងមួយខ្នង ឆេះអស់ ប្រហែល ៥០ភាគរយ។
ក្នុងប្រតិបត្តិការខាងលើកម្លាំងសមត្ថកិច្ចបានប្រើប្រាស់រថយន្ត២២គ្រឿង ក្នុងនោះរួមមាន រថយន្តការិយាល័យអគ្គិភ័យ១៩គ្រឿង ប្រើប្រាស់ទឹកអស់ចំនួន ៥៥គ្រឿង ស្មើនឹង ២២៨ម៉ែត្រគូប, រថយន្តអគ្គីភ័យក្រសួងមហាផ្ទៃ ចំនួន២គ្រឿង ប្រើប្រាស់ទឹកអស់ មួយគ្រឿងស្មើនឹង ៨ម៉ែត្រគូប, រថយន្តអគ្គីភ័យក្រុមហ៊ុនស្រាបៀរកម្ពុជា មួយគ្រឿង ប្រើប្រាស់ទឹកអស់ មួយគ្រឿង ស្មើនឹង ៦ម៉ែត្រគូប ៕
ចំនួនអ្នកទស្សនា
- ថ្ងៃនេះ1061
- ម្សិលមិញ10851
- សប្តាហ៍នេះ67581
- ខែនេះ182731
- ឆ្នាំនេះ182731
- សរុប20625187