កម្លាំងនគរបាលខណ្ឌសែនសុខ ឃាត់ខ្លួនជនសង្ស័យ២នាក់ពាក់ព័ន្ធគ្រឿងញៀន
25-November-2017 | ដោយ ពលមនសិការ
ភ្នំពេញ ៖ លោកវរសេនីយ៍ត្រី គួក សុខហួរ អធិការរងខណ្ឌសែនសុខបានឲ្យដឹងថាកម្លាំងនគរបាលខណ្ឌសហការជាមួយកម្លាំងនគរបាលប៉ុស្តិ៍បង្ក្រាបករណីរក្សាទុកនិងប្រើប្រាស់សារធាតុញៀន ២ករណី។
ករណីទី១ ៖ កាលពីថ្ងៃទី២៤ ខែវិច្ឆិកា ឆ្នាំ២០១៧ វេលាម៉ោង២១ និង២០នាទី ប៉ុស្តិ៍ភ្នំពេញថ្មីបានធ្វើការឃាត់ខ្លួនជនសង្ស័យចំនួន០១នាក់ ករណីរក្សាទុក ដោយខុសច្បាប់នូវសារធាតុញៀន នៅចំណុចតាមផ្លូវ១០០៧ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។
ជនសង្ស័យ ឈ្មោះ សង ប៊ីស៊ី ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅមិនពិតប្រាកដ។
សម្ភារៈដកហូត ៖ ក្រាមពណ៌សថ្លាសង្ស័យជាគ្រឿងញៀនចំនួន ០៤កូនថង់តូច, ម៉ូតូចំនួន០១គ្រឿង ម៉ាកសេ១២៥ ផលិតឆ្នាំ ២០០៣ ពាក់ស្លាកលេខ កណ្តាល1A-8242។
ករណីទី២ ៖ កាលពីថ្ងៃទី២៤ ខែវិច្ឆិកា ឆ្នាំ២០១៧ វេលាម៉ោង២២ និង១០នាទី ប៉ុស្តិ៍ទឹកថ្លាបានធ្វើការឃាត់ខ្លួនជនសង្ស័យចំនួន០១នាក់ ករណីប្រើ ប្រាស់គ្រឿងញៀន នៅចំណុចតាមផ្លូវ២៧១ ភូមិបូរីកម្មករ សង្កាត់ទឹកថ្លា ខណ្ឌសែនសុខ ។
ជនសង្ស័យ ឈ្មោះ វ័ន ធីហេង ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅសង្កាត់ទឹកល្អក់៣ ខណ្ឌទួកគោក ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាន នគរបាលខណ្ឌសែនសុខដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ3541
- ម្សិលមិញ10851
- សប្តាហ៍នេះ70061
- ខែនេះ185211
- ឆ្នាំនេះ185211
- សរុប20627667