មុខសញ្ញាជួញដូរគ្រឿងញៀន ២នាក់ត្រូវបាននគរបាលបង្ក្រាប
27-November-2017 | ដោយ ពលមនសិការ
ព្រះសីហនុ ៖ លោកឧត្តមសេនីយ៍ទោ ជួន ណារិន្ទ ស្នងការខេត្តព្រះសីហនុបានឲ្យដឹងថាកម្លាំងជំនាញ បានបង្ក្រាបករណីជួញដូរសារធាតុញៀនខុសច្បាប់ ២ករណី។
ករណីទី១៖ កាលពីថ្ងៃទី២៦ ខែវិច្ឆិកា ឆ្នាំ២០១៧ វេលាម៉ោង២០និង៣០នាទី នៅភូមិបឹងវែង ឃុំវាលរេញ ស្រុកព្រៃនប់ កម្លាំងជំនាញឃាត់ខ្លួន ជនសង្ស័យមួយនាក់ឈ្មោះ សឹង គឹមសែន ភេទប្រុស អាយុ២៥ឆ្នាំ។ ដកហូតបានវត្ថុតាងៈ ថ្នាំញៀនមេតំហ្វេតាមីន ៣កញ្ចប់ (២កញ្ចប់ធំ និង១កញ្ចប់តូច ) ។
ករណីទី២៖ កាលពីថ្ងៃទី២៦ ខែវិច្ឆិកា ឆ្នាំ២០១៦ វេលាម៉ោង ២២និង៣០នាទី នៅភូមិ៤ សង្កាត់៤ ក្រុងព្រះសីហនុ កម្លាំងជំនាញឃាត់ខ្លួនជនសង្ស័យមួយនាក់ ឈ្មោះ ស៊ីវ ចន្ថា ភេទប្រុស អាយុ១៧ឆ្នាំ។ ដកហូតបានម្សៅក្រាមពណ៌សថ្លា ២កញ្ចប់តូច និងទូរស័ព្ទដៃមួយគ្រឿង។
បច្ចុប្បន្នកម្លាំងជំនាញកំពុងកសាងឯកសារដើម្បីបញ្ជូនទៅសាលាដំបូងខេត្តចាត់ការបន្តតាមនីតិវិធី ៕
ចំនួនអ្នកទស្សនា
- ថ្ងៃនេះ4191
- ម្សិលមិញ10851
- សប្តាហ៍នេះ70711
- ខែនេះ185861
- ឆ្នាំនេះ185861
- សរុប20628317