បណ្តុះបណ្តាលធនធានមនុស្សជាគោលការគុណភាពជាចម្បងដើម្បីតម្រូវការទីផ្សារការងាររបស់និស្សិត
27-November-2017 | ដោយ ពលមនសិការ
បន្ទាយមានជ័យ ៖ បណ្តុះបណ្តាលធនធានមនុស្សជាគោលការគុណភាពជាចម្បងដើម្បីតម្រូវការទីផ្សារការងាររបស់និស្សិតអភិបាលរងខេត្តលើកឡើងបើកបវេសនកាលសិក្សាឆ្នាំ២០១៧-២០១៨កាលពីថ្ងៃទី២៦ ខែវិច្ឆិកា ឆ្នាំ២០១៧ នៅសាកលវិទ្យាគ្រប់គ្រងនិងសេដ្ឋកិច្ចខេត្តបន្ទាយមានជ័យ។
លោក ណង ថា សាកលវិទ្យាធិការរងនិងជានាយកសាខាសាកលវិទ្យាគ្រប់គ្រងនិងសេដ្ឋកិច្ចខេត្តបន្ទាយមានជ័យបានមានប្រសាសន៍ថា សាខាសាកលវិទ្យាគ្រប់គ្រងនិងសេដ្ឋកិច្ចខេត្តបន្ទាយមានជ័យមានអគារសិក្សាផ្ទាល់ខ្លួនមានចំនួន៣៩បន្ទប់ លើផ្ទៃដី១០,០០១៨ម៉ែត្រការ៉េ ដែលកសាងរយៈពេលជិត១ឆ្នាំ ចាប់ពីឆ្នាំ២០១០ ដល់២០១១ ត្រូវបានដាក់សម្ពោធអោយប្រើប្រាស់ដោយសម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជានិងលោកជំទាវ។
លោកបានបញ្ជាក់ថា បច្ចុប្បន្ននេះមាននិស្សិតកំពុងសិក្សាសរុបចំនួន២,២៧៤នាក់ ស្រី១,១២៨នាក់ និងនិស្សិតបញ្ចប់ការសិក្សាថ្នាក់បញ្ញាប័ត្ររង និងថ្នាក់បរិញ្ញាប័ត្រ និងថ្នាក់បរិញ្ញាប័ត្រជាន់ខ្ពស់មានចំនួន៥,០៨៩នាក់ ស្រី១,៨៨០នាក់ ហើយត្រូវបានបើកបវេសនកាលសម្រាប់ឆ្នាំ២០១៧-២០១៨ និងប្រគលបណ្ណសសើរដល់និស្សិតឆ្នើមប្រចាំឆ្នាំសិក្សាឆ្នាំ២០១៦-២០១៧។
លោក លី សារី អភិបាលរងខេត្តបន្ទាយមានជ័យបានមានប្រសាសន៍ថាដើម្បីលើកកម្ពស់គុណភាព ប្រសិទ្ធភាព និងសីលធម៌ នៃការអប់រំថ្នាក់ឧត្តមសិក្សានិងថ្នាក់ក្រោមបរិញ្ញាបត្រ គឺបណ្តុះបណ្តាលធនធានមនុស្សដោយឈលើគោលការណ៍គុណភាពជាចម្បង ខិតខំអប់រំនិស្សិតអោយយកចិត្តទុកដាក់ខ្ពស់បំផុតជាការឆ្លើយតមទៅនិងការអភិវឌ្ឍន៍ប្រទេសជាតិនិងតម្រូវការទីផ្សាការងារនាពេលបច្ចុប្បន្ន។
លោកបានមានមតិផ្តាំផ្ញើដល់និស្សិតទាំងអស់ដែលកំពុងសិក្សានៅសាកលវិទ្យាគ្រប់គ្រងនិងសេដ្ឋកិច្ចខេត្តបន្ទាយមានជ័យត្រូវខិតខំយកចិត្តទុកដាក់ការសិក្សាក្លាយជានិស្សិតល្អទទួលបានការសិក្សាខ្ពស់ក្លាយជាទំពាំងស្នងឫស្សីដើម្បីបម្រើប្រជាពលរដ្ឋនិងប្រទេសជាតិ ៕
ចំនួនអ្នកទស្សនា
- ថ្ងៃនេះ1631
- ម្សិលមិញ6961
- សប្តាហ៍នេះ42301
- ខែនេះ104731
- ឆ្នាំនេះ706911
- សរុប21149367