ជិះម៉ូតូឆ្លងផ្លូវមិនប្រយ័ត្ន ត្រូវរថយន្តបុកបណ្តាលឲ្យរបួសធ្ងន់ស្រាល ៥នាក់ នៅស្រុកគងពិសី
28-November-2017 | ដោយ ពលមនសិការ
កំពង់ស្ពឺ ៖ មនុស្ស ៥នាក់បានរងរបួសធ្ងន់ស្រាលក្នុងករណីគ្រោះថ្នាក់ចរាចរណ៍ រវាងរថយន្តបុកជាមួយម៉ូតូ ក្នុងទិសដៅស្របទិសគ្នាស្ថិតលើផ្លូវអង្គឌួងចន្លោះគីឡូម៉ែត្រលេខ២២-២៣ នៅក្នុងភូមិស្រង់ ឃុំស្រង់ ស្រុកគងពិសី កាលពីថ្ងៃទី២៧ ខែវិច្ឆិកា ឆ្នាំ២០១៧។
មន្ត្រីនគរបាលខេត្តកំពង់ស្ពឺបានឲ្យដឹងថាមុនពេលកើតហេតុមានម៉ូតូមួយគ្រឿង ម៉ាកហុងដា ឌ្រីម សេ១២៥ ផលិតឆ្នាំ២០១៧ ពាក់ស្លាកលេខ ភ្នំពេញ 1GG-5507 បើកបរដោយឈ្មោះ ផៃ សុខ ភេទប្រុស អាយុ ២៥ឆ្នាំ នៅភូមិគ ឃុំទឹកល្អក់ ស្រុកគងពិសី ជិះគ្នា ៣នាក់ នៅពេលបត់ឆ្លងផ្លូវ ក៏ត្រូវរថយន្តម៉ាក LEXUS GS ពណ៌ស ស្លាកលេខ ភ្នំពេញ 2AB-5557 បុក រួចរេចង្កូតទៅបុកដើមឈើ
នៅក្បែរផ្លូវ បន្ដទៀត អ្នកបើកបររថយន្ដឈ្មោះ មាន សុទ្ធា ប្រុសអាយុ ៤៨ឆ្នាំ រស់នៅរាជធានីភ្នំពេញ របួសមនុស្សធ្ងន់ស្រាល២នាក់ទៀត។
ក្នុងករណីគ្រោះថ្នាក់ចរាចរណ៍ខាងលើនេះបណ្តាលអោយរងរបួសមនុស្ស ៥ នាក់ ខូចខាតម៉ូតូមួយគ្រឿងស្រាល រថយន្តមួយគ្រឿង។
ក្រោយកើតហេតុវត្ថុតាង រថយន្តនិងម៉ូតូ បានយកមករក្សាទុកនៅអធិការដ្ឋាននគរបាលស្រុកគងពិសី ដើម្បីកសាងសំណុំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ6141
- ម្សិលមិញ10851
- សប្តាហ៍នេះ72661
- ខែនេះ187811
- ឆ្នាំនេះ187811
- សរុប20630267