បើករ៉ឺម៉កបត់ឆ្លងផ្លូវមិនប្រយ័ត្ន ត្រូវរថយន្តបុកបណ្តាលឲ្យរបួសធ្ងន់ម្នាក់
28-November-2017 | ដោយ ពលមនសិការ
ព្រៃវែង ៖ គ្រោះថ្នាក់ចរាចរណ៍រវាងរថយន្តបុកជាមួយរ៉ឺម៉ក បណ្តាលឲ្យមនុស្សម្នាក់រងរបួសធ្ងន់ ត្រូវបញ្ជូនទៅព្យាបាលភ្លាមៗ។ ហេតុការណ៍គ្រោះថ្នាក់ខាងលើកើតឡើងនៅថ្ងៃទិ២៨ ខែវិច្ឆិកា ឆ្នាំ២០១៧ វេលាម៉ោង០៩និង៣០នាទី នៅចន្លោះគីឡូម៉ែត្រលេខ១២-១៣ លើផ្លូវជាតិលេខ១១ ក្នុងភូមិពន្លៃ ឃុំបាបោង។
មុនពេលកើតហេតុមានរថយន្តមួយគ្រឿងម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2S-5448 បើកបរដោយឈ្មោះ កែវ ផារី ភេទប្រុស អាយុ៥៣ឆ្នាំ ជនជាតិខ្មែរ មុខរបរបើករថយន្ត រស់នៅភូមិជប់ឃុំជប់ ស្រុកត្បូងឃ្មុំ ខត្តត្បួងឃ្មុំ បើកបរទិសដៅពីជើងទៅត្បូង ពេលមកដល់កន្លែងកើតហេតុបានបុកជាមួយម៉ូតូរ៉ឺម៉ក ពណ៌សំបកឪឡឹក គ្មាស្លាកលេខ បើកបរដោយឈ្មោះ ឆន តេ ភេទប្រុស អាយុ២៥ឆ្នាំមុខរបរកម្មករ នៅភូមិបាទី ឃុំស្រុកពាមរក៍ ខេត្តព្រវែង ទិសដៅពីត្បូងទៅជើង។
សមត្ថកិច្ចបន្តថា ជនរងគ្រោះឈ្មោះ ធី អៀក អាយុ២២ឆ្នាំ ជនជាតិខ្មែរ មុខរបរកម្មករ រស់នៅភូមិបាទី ឃុំស្រុកពាមរក៍ ខេត្តព្រៃវែង របួសធ្ងន់។ ក្រោយកើតហេតុជនរងគ្រោះបញ្ជូនទៅមន្ទីរពេទ្យ ចំណែកម៉ូតូរ៉ឺម៉ក រក្សាទុកនៅប៉ុស្តិ៍រដ្ឋបាលបាបោង រថយន្តរក្សាទុកនៅប៉ុស្តិ៍រដ្ឋបាលព្រែកខ្សាយ(ក)។
មូលហេតុៈ ម៉ូតូរ៉ឺម៉កឈប់ខាងឆ្វេងដៃរបស់ខ្លួន ស្ថិតនៅលើគន្លងផ្លូវខាងស្តាំរបស់រថយន្តដែលមានទិសដៅពីត្បូងទៅជើង ជនរងគ្រោះខាងលើចុះពីលើម៉ូតូរ៉ឺម៉កឈរនៅខាងកើតជាប់ម៉ូតូរ៉ឺម៉កបណ្តាលអោយរថយន្តបើកមកកៀរម៉ូតូរ៉ឺម៉កនិងជនរងគ្រោះតែម្តង ៕
ចំនួនអ្នកទស្សនា
- ថ្ងៃនេះ7411
- ម្សិលមិញ10851
- សប្តាហ៍នេះ73931
- ខែនេះ189081
- ឆ្នាំនេះ189081
- សរុប20631537