ជនជាតិកូរ៉េ២នាក់ប្រើប្រាស់ថ្នាំញៀនក្នុងកាស៊ីណូដូណាកូត្រូវបានកម្លាំងឃាត់ខ្លួននិងវត្ថុតាងថ្នាំញៀន
30-November-2017 | ដោយ ពលមនសិការ
បន្ទាយមានជ័យ ៖ ជនជាតិកូរ៉េ២នាក់ប្រើប្រាស់ថ្នាំញៀន ត្រូវបានកម្លាំងឃាត់ខ្លួននិងវត្ថុតាងថ្នាំញៀនត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី៣០ ខែវិច្ឆិកា ឆ្នាំ២០១៧ នៅក្នុងកាស៊ីណូដូណាកូស្ថិតក្នុងសង្កាត់/ក្រុងប៉ោយប៉ែត។
ជនសង្ស័យត្រូវឃាត់ខ្លួន២នាក់ ទី១-ឈ្មោះ Cho Hwahyung ភេទប្រុស អាយុ៥៧ឆ្នាំ កាន់លិខិតឆ្លងដែនលេខM56115638 ទី២-ឈ្មោះ Ku Cheol seon ភេទប្រុស អាយុ៤០ឆ្នាំ កាន់លិខិតឆ្លងដែនលេខM13918814 ជនសង្ស័យទាំង២នាក់ជាជនជាតិកូរ៉េ។
លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែតបានប្រាប់ថា៖នៅពេលដែលឃាត់ខ្លួនជនជាតិ២នាក់ ប្រើប្រាស់គ្រឿងញៀនក្នុងកាស៊ីណូគឺដឹកនាំដោយលោក តេង សម័យ ព្រះរាជអាជ្ញារងសាលាដំបូងខេត្តបន្ទាយមានជ័យដែលមានកម្លាំងនគរបាលជំនាញខេត្តសហការក្រុងបានចុះបង្ក្រាបឃាត់ខ្លួនជនសង្ស័យ២នាក់ជាជនជាតិកូរ៉េព្រមទាំងវត្ថុតាងថ្នាំញៀនមេតំហ្វេតាមីន(ហៅយ៉ាម៉ាចំនួន៤គ្រាប់ និងថ្នាំញៀនមេតំហ្វេតាមីនហៅខេទឹកកកចំនួន ១កូនថង់តូចនិងឧបករប្រើប្រាស់ថ្នាំញៀនមួយចំនួនដែលឃាត់នៅវេលាម៉ោង១០ថ្ងៃទី២៩ ខែវិច្ឆិកា ឆ្នាំ២០១៧ នៅបន្ទប់កាស៊ីណូដូណាកូអតីតះកាស៊ីណូស្ថាវីហ្កាស(រឺផ្កាយប្រាំ)សង្កាត់.ក្រុងប៉ោយប៉ែត។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបានប្រាប់ថា៖ក្រោយពេលដែលកម្លាំងនគរបាលជំនាញឃាត់ខ្លួនជនសង្ស័យ២នាក់ជាជនជាតិកូរ៉េនិងវត្ថុតាងថ្នាំញៀន ត្រូវបានតុលាការចោទប្រកាន់ពីបទប្រើប្រាស់ថ្នាំញៀនត្រូវបានកសាងសំណុំរឿងបញ្ចូនទៅសាលាដំបូងខេត្តបន្ទាយមានជ័យ ៕
ចំនួនអ្នកទស្សនា
- ថ្ងៃនេះ6681
- ម្សិលមិញ10851
- សប្តាហ៍នេះ73201
- ខែនេះ188351
- ឆ្នាំនេះ188351
- សរុប20630807