មុខសញ្ញាជួញដូរគ្រឿងញៀន ៣នាក់ត្រូវបានកម្លាំងនគរបាលឃាត់ខ្លួន
01-December-2017 | ដោយ ពលមនសិការ
ភ្នំពេញ ៖ ជនសង្ស័យ ៣នាក់ត្រូវបានកម្លាំងនគរបាលប៉ុស្តិ៍ព្រែកឯង ឃាត់ខ្លួនពាក់ព័ន្ធករណីជួញដូរដោយខុសច្បាប់នូវសារធាតុញៀន កាលពីថ្ងៃទី៣០ ខែវិច្ឆិកា ឆ្នាំ២០១៧ វេលាម៉ោង២១និង៣០នាទី នៅចំណុចផ្ទះជួលគ្មានលេខ ភូមិតាព្រហ្ម សង្កាត់ព្រែកឯង។
លោកវរសេនីយ៍ទោ ម៉ៅ សឿត អធិការរងបានឲ្យដឹងថាជនសង្ស័យទី១- ឈ្មោះ ហុង ឌី ភេទប្រុស អាយុ៣៣ឆ្នាំ ជាតិខ្មែរ មុខរបរមិនពិតប្រាកដ, ទី២- ឈ្មោះ លី ស្រីមុំ ភេទស្រី អាយុ១៩ឆ្នាំ ជាតិខ្មែរ មុខរបរមិនពិតប្រាកដ, និងទី៣- ឈ្មោះអ៊ែល ស៊ីណាត ភេទប្រុស អាយុ២៤ឆ្នាំ ជាតិខ្មែរ មុខរបរមិនពិតប្រាកដ។ ទាំង៣នាក់ស្នាក់នៅផ្ទះជួលគ្មានលេខ ភូមិតាព្រហ្ម សង្កាត់ព្រែកឯង ខណ្ឌច្បារអំពៅ។
ដកហូតវត្ថុតាងមាន ៖ ក្រាមពណ៌សថ្លា (សង្ស័យគ្រឿងញៀន) ០៣កញ្ចប់ថង់ធំល្មម, ឧបករណ៍ជក់គ្រឿងញៀន១កំប្លេ, ដែកកេះ២, កន្ត្រៃ១, ដែកចូកគ្រឿងញៀន១, ទុយោជ័រមួយចំនួន, កូនថង់ប្លាស្ទិចមួយចំនួន។ បច្ចុប្បន្នកម្លាំងជំនាញកំពុងកសាងឯកសារដើម្បីចាត់តាមនីតិវិធី ច្បាប់ ៕
ចំនួនអ្នកទស្សនា
- ថ្ងៃនេះ7361
- ម្សិលមិញ10851
- សប្តាហ៍នេះ73881
- ខែនេះ189031
- ឆ្នាំនេះ189031
- សរុប20631487