នគរបាលចាប់ខ្លួនជនសង្ស័យលួចយ៉ាងសកម្ម២នាក់នៅស្រុកលើកដែក
06-December-2017 | ដោយ ពលមនសិការ
កណ្ដាល ៖ នគរបាលស្រុកលើកដែកធ្វើការចាប់ខ្លួនក្រុមចោរលួចយ៉ាងសកម្ម២នាក់ក្នុងចំណោមបក្ខពួក ៣នាក់ ខណៈដែលក្រុមចោរខាងលើនេះធ្វើសកម្មភាពចូលលួចទូរស័ព្ទដៃរបស់ពលរដ្ឋនៅក្នុងផ្ទះរួចគេចខ្លួនបាត់ស្រមោល ។ ករណីចាប់ខ្លួននេះធ្វើឡើង កាលពីវេលាម៉ោង១១និង១០នាទី ថ្ងៃទី៥ ខែធ្នូ ឆ្នាំ២០១៧ ស្ថិតក្នុងភូមិក្អមសំណរក្រោម ឃុំក្អមសំណរ ស្រុកលើកដែក ខេត្តកណ្តាល ។
មន្ដ្រីនគរបាលស្រុកលើកដែកបានឲ្យដឹងថា ជនសង្ស័យចាប់ខ្លួនបានមាន២នាក់ ទី១-ឈ្មោះ សុខ ឆាងឈុន ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ទី២-ឈ្មោះកុច សុភ័ក្រ ភេទប្រុស អាយុ១៧ឆ្នាំ ជនជាតិខ្មែរ មុខរបរកម្មករ រីឯជនសង្ស័យម្នាក់ទៀតរត់គេចខ្លួនមានឈ្មោះ បូរី ភេទប្រុស អាយុ៣១ឆ្នាំ ជនជាតិខ្មែរ មុខរបរកម្មករ ។ ជនសង្ស័យទាំង៣នាក់ខាងលើមានទីលំនៅភូមិក្អមសំណរក្រោម ឃុំក្អមសំណរ ស្រុកលើកដែក ខេត្តកណ្តាល ។ ចំណែកឯជនរងគ្រោះឈ្មោះ ភោគ រតនា ភេទប្រុស អាយុ៤១ឆ្នាំ ជនជាតិខ្មែរ មុខរបរកសិករ មានទីលំនៅភូមិ/ឃុំកើតហេតុខាងលើ ។ ដោយឡែកវត្ថុតាងដកហូតបានមានទូរស័ព្ទដៃចំនួន២គ្រឿង ។
ប្រភពដដែលបន្ដថា កាលពីថ្ងៃទី៣ ខែធ្នូ ឆ្នាំ២០១៧ ជនរងគ្រោះយកតូរស័ព្ទរបស់ខ្លួនចំនួន២គ្រឿងទុកនៅលើតុ រួចក៏មើលទូរទស្សន៍ជាមយយប្រពន្ធបាន រហូតដល់ម៉ោងប្រមាណ១២រំលងអធ្រាត ជនរងគ្រោះនិងប្រពន្ធបាននាំគ្នាចូលដេកបាត់ទៅ ។ លុះរហូតមកដល់ព្រឹក ថ្ងៃទី៤ខែឆ្នាំដដែល ជនរងគ្រោះក្រោមពីដេកស្រាប់តែឃើញទ្វារក្រោយបើកចំហរ ហើយខោអាវសម្លៀកបំពាក់មានភាពរញ៉េរញ៉ៃផងដែរ តែជនរងគ្រោះពុំបានចាប់អារម្មណ៍នោះ រហូតបានមួយសន្ទុះជនរងគ្រោះបម្រុងយកទូរស័ព្ទរបស់ខ្លួនមកតេ ស្រាប់មិនឃើញទូរស័ព្ទដែលខ្លួនទុកនៅលើតុនោះទេ ក៏សង្ស័យថា មានគេលួចយកទៅបាត់ រួចបានដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលក្អមសំណរដើម្បីជួយស្រាវជ្រាវស្វែងរកជនសង្ស័យចាត់ការតាមច្បាប់។
ប្រភពដដែលបានបន្ដទៀតថា ក្រោយពីសមត្ថកិច្ចបានទទួលពាក្យបណ្ដឹងរួច ភ្លាមនោះសមត្ថកិច្ចបានធ្វើការស្រាវជ្រាវរហូតកំណត់មុខសញ្ញាចាប់ខ្លួនជនសង្ស័យបានចំនួន២នាក់ យកប៉ុស្ដិ៍នគរបាលរដ្ឋបាលដើម្បីធ្វើការសាកសួរ រីជនសង្ស័យម្នាក់ទៀតរត់គេចខ្លួនបាត់ស្រមោល ។ នៅចំពោះមុខសមត្ថកិច្ចជនសង្ស័យទាំង២នាក់បានសារភាពថា ពួកគេបានធ្វើសកម្មភាពលួចបើកទ្វារយកទូរស័ព្ទដៃរបស់ជនរងគ្រោះប្រាកដមែន កាលពីវេលាម៉ោង១រំលងអធ្រាត ថ្ងៃទី៤ ខែធ្នូ ឆ្នាំ២០១៧ ក្រោយពីលួចបានហើយពួកគេបានយកទូរស័ព្ទនោះទៅលក់ ពិតប្រាកដមែន ៕
ចំនួនអ្នកទស្សនា
- ថ្ងៃនេះ7841
- ម្សិលមិញ10851
- សប្តាហ៍នេះ74361
- ខែនេះ189511
- ឆ្នាំនេះ189511
- សរុប20631967