សមត្ថកិច្ចនគរបាលខេត្តកំពង់ឆ្នាំងឃាត់មនុស្ស២២នាក់ និងថ្នាំញៀន៦១កញ្ចប់
06-December-2017 | ដោយ ពលមនសិការ
កំពង់ឆ្នាំង ៖ ជនសង្ស័យស្រី-ប្រុសចំនួន២២នាក់ ដែលជាអ្នកចែកចាយ ជួញដូរ និង ប្រើប្រាស់សារធាតុញៀនខុសច្បាប់ ត្រូវបានកម្លាំងនគរបាលខេត្តសហការជាមួយកម្លាំងនគរបាលស្រុកបើកប្រតិបត្តិការស្រាវជ្រាវឃាត់ខ្លួនជាបន្តបន្ទាប់ កាលពីថ្ងៃទី០៤និងថ្ងៃទី០៥ ខែធ្នូ ឆ្នាំ២០១៧ នៅក្នុងស្រុកចំនួន៣ ក្នុងខេត្តកំពង់ឆ្នាំ។
លោកឧត្តមសេនីយ៍ត្រី ជន ថារិទ្ធ ស្នងការរងខេត្តកំពង់ឆ្នាំងបានឲ្យដឹងថា ក្នុងប្រតិបត្តិការរយៈពេល២ថ្ងៃ កម្លាំងរបស់លោកបានឃាត់ខ្លួនជនសង្ស័យប្រុស-ស្រី ២២នាក់ និងដកហូតថ្នាំញៀន ៦១កញ្ចប់, ដាវច្រើនដើមនិងឧបករណ៍សម្រាប់ប្រើប្រាស់គ្រឿងញៀនជាច្រើនផងដែរ។
បច្ចុប្បន្នជនសង្ស័យរួមនឹងវត្ថុតាងកម្លាំងជំនាញកំពុងកសាងឯកសារដើម្បីបញ្ជូនទៅសាលាដំបូងខេត្ត ចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ8081
- ម្សិលមិញ10851
- សប្តាហ៍នេះ74601
- ខែនេះ189751
- ឆ្នាំនេះ189751
- សរុប20632207