រយៈពេលពីរថ្ងៃ នគរបាលឃាត់ខ្លួនមនុស្ស៣នាក់ និងថ្នាំញៀន មួយចំនួនធំ
07-December-2017 | ដោយ ពលមនសិការ
បាត់ដំបង ៖ ជនសង្ស័យចំនួន៣នាក់ ដែលជាមុខសញ្ញាចែកចាយថ្នាំញៀនដ៏សកម្មត្រូវបានកម្លាំងការិយាល័យជំនាញ សហការជាមួយនឹងក្រុមអន្តរាគមន៍ ប្រឆាំងបទល្មើស នៃស្នងការដ្ឋាននគរបាលខេត្តបាត់ដំបង តាមប្រមាញ់ និងឃាត់ខ្លួនបានជាបន្តបន្ទាប់តែក្នុងរយៈពេលពីរថ្ងៃប៉ុណ្ណោះ ។
លោកវរសេនីយ៍ទោ ស៊ាន សុណាល់ នាយការិយាល័យ នគរបាលប្រឆាំងគ្រឿងញៀនបានបញ្ជាក់ថា កិច្ចប្រតិបត្តិការលើកទី១ គឺបានធ្វើឡើងកាលពីថ្ងៃទី៥ ខែធ្នូ ឆ្នាំ២០១៧ វេលាម៉ោង៦និង១០ នាទីយប់ ត្រង់ចំណុចភូមិបឹងក្រសាល ឃុំស្នឹង ស្រុកបាណន់
ខេត្តបាត់ដំបង ។
ក្នុងកិច្ចប្រតិបត្តិការលើកទិ១ នេះ កម្លាំងសមត្ថកិច្ចបានធ្វើការឃាត់ខ្លួនមុខសញ្ញាបានម្នាក់ឈ្មោះ ស៊ូ វុទ្ធី ភេទប្រុស អាយុ៤៤ឆ្នាំ រស់នៅក្នុងទីតាំងខាងលើ ដោយបានដកហូតនូវថ្នាំញៀនប្រភេទម៉ាទឹកកក ចំនួន ៤៦ កូនថង់ ស្មើនឹងទម្ងន់ ៣៧,៩២ ក្រាមទូរស័ព្ទដៃ១គ្រឿង និងសម្ភារៈសម្រាប់វេចខ្ចប់មួយចំនួន ។
លុះនៅថ្ងៃទី ៦ ខែ ឆ្នាំដដែល វេលាម៉ោង៩និង២០នាទីយប់ កំលាំងជំនាញបានបន្តកិច្ចប្រតិបត្តិការលើកទី២ ទៅកាន់ចំណុចភូមិកម្មករ សង្កាត់ស្វាយប៉ោក្រុងបាត់ដំបង ដោយបានឃាត់ខ្លួនមុខសញ្ញាបានចំនួន២នាក់ បន្ថែមទៀត ដែលពួកគេមានឈ្មោះ ហ៊ឺ វាសនា ភេទប្រុស អាយុ៣០ឆ្នាំ រស់នៅភូមិអូរដំបង ឃុំអូរដំបង២ ស្រុកសង្កែ និងឈ្មោះ ផល ចាន់ថេរ ហៅអាម៉ី ភេទស្រី អាយុ២៨ឆ្នាំ រស់នៅចំណុចខាងលើ ។
នៅទីនោះសមត្ថកិច្ចបានធ្វើការដកហូតវត្ថុតាងមួយចំនួនដូចជា ថ្នាំញៀនប្រភេទ ម៉ាទឹកកកចំនួន ១ ថង់ ស្មើនឹងទម្ងន់ ១៨,៩៩ ក្រាម ទូរស័ព្ទដៃចំនួន២គ្រឿង និងឧបករណ៍សម្រាប់ប្រើប្រាស់មួយចំនួនថែមទៀត ។ បច្ចុប្បន្នជនសង្ស័យទាំងអស់ត្រូវបានកម្លាំងការិយាល័យជំនាញ រៀបចំឯកសារដើម្បីបញ្ជូនខ្លួន រួមជាមួយនិងវត្ថុតាងទៅកាន់សាលាដំបូងហើយ ក្នុងការចាត់វិធានការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ8521
- ម្សិលមិញ10851
- សប្តាហ៍នេះ75041
- ខែនេះ190191
- ឆ្នាំនេះ190191
- សរុប20632647