ឆ្លងចរន្តអគ្គិសនី ឆេះផ្ទះ និងទ្រព្យសម្បត្តិ អស់យ៉ាងសន្ធឹកសន្ធាប់
18-December-2017 | ដោយ ពលមនសិការ
បាត់ដំបង ៖ លំនៅដ្ឋានមួយខ្នង ដែលសង់អំពីថ្មក្រោម ឈើលើ ត្រូវបានអគ្គីភ័យលេបត្របាក់ស្ទើរទាំងស្រុង តែមួយប៉ព្រិចភ្នែក ពេលដែលម្ចាស់ផ្ទះមិននៅ ព្រមទាំងបានបំផ្លាញនូវទ្រព្យសម្បត្តិអស់ជាច្រើនផងដែរ ខណៈដែលមានការឆ្លងចរន្តអគ្គីសនី ធ្វើអោយអណ្តាតភ្លើងចាប់ផ្តើមឆាបឆេះតែម្តង ។
ហេតុការណ៍នេះបានកើតឡើង នៅវេលាម៉ោង៨ និង ២០ នាទីព្រឹក ថ្ងៃទី ១៧ ខែធ្នូ ឆ្នាំ២០១៧ ត្រង់ចំណុចភូមិអូរ ឃុំសន្តិភាពស្រុកសំពៅលូន ខេត្តបាត់ដំបង ដែលអគ្គីភ័យនេះ បានឆាបឆេះទៅលើលំនៅដ្ឋានមួយខ្នងដែលមានទំហំ ៧,៥០ ម៉ែត្រ គុណនឹង១៣ម៉ែត្រធ្វើអំពៅថ្មក្រោម ឈើលើ និងជាកម្មសិទ្ធិរបស់លោក សាន់ ហៃ អាយុ៤០ឆ្នាំ មុខរបររត់តាក់ស៊ី និង ប្រពន្ធឈ្មោះ ឡី លាប អាយុ៣៨ឆ្នាំ ។
តាមការរៀបរាប់ពីម្ចាស់ផ្ទះ បាននិយាយប្រាប់សមត្ថកិច្ចអោយដឹងថា នៅមុនពេលកើតហេតុ គឺប្តីរបស់គាត់បានចេញទៅរត់តាក់ស៊ីជាធម្មតា រីឯគាត់ក៏បានចេញទៅផ្សារដោយបានបិទទ្វារផ្ទះ និងចាក់សោរថែមទៀតដោយសារតែគ្មានអ្នកនៅមើល ប៉ុន្តែក្រោយមកក៏បានទទួលដំណឹងថា ផ្ទះរបស់គាត់ត្រូវភ្លើងឆេះខ្ទេចខ្ទីអស់ទៅហើយ។
នៅពេលនោះដែរ គេសង្គេតឃើញខាងអាជ្ញាធរ សមត្ថកិច្ចទាំងពីរអង្គភាព និងរថយន្តពន្លត់អគ្គីភ័យចំនួន៣គ្រឿង ដែលមកពីអធិការដ្ឋានស្រុកបវេល ស្រុកភ្នំព្រឹក និងរថយន្តរបស់ភាគីថៃមួយគ្រឿងផងដែរ ដែលបានចូលទៅជួយពន្លត់ និងបាញ់ទប់ស្កាត់ការ
រាលដាលទៅលើទីតាំងដទៃ ។
សម្ភារៈ និងទ្រព្យសម្បត្តិដែលបាត់បង់ដោយសារអគ្គីភ័យនេះរួមមាន ប្រាក់ដុល្លា ចំនួន៥ ៨០០ ដុល្លារ ប្រាក់បាត អស់ចំនួន ៣២០ ០០០ បាត ប្រាក់ខ្មែរអស់ចំនួន ៤ លានរៀលនិងសម្ភារៈផ្សេងៗមួយចំនួនធំទៀត ដោយបច្ចុប្បន្ន ម្ចាស់ផ្ទះបានត្រឹមតែឈរសម្លឹងមើលផ្ទះរបស់ខ្លួនដែលបានក្លាយជាផេះផង់ ទាំងទឹកភ្នែកតែប៉ុណ្ណោះ៕
ចំនួនអ្នកទស្សនា
- ថ្ងៃនេះ8621
- ម្សិលមិញ10851
- សប្តាហ៍នេះ75141
- ខែនេះ190291
- ឆ្នាំនេះ190291
- សរុប20632747