ប្រជាពលរដ្ឋ១៧នាក់ ដែលត្រូវអាជ្ញាធរឃាត់ខ្លួនត្រូវបានដោះលែងហើយប្រជាពលរដ្ឋដោះលែងរថយន្តថៃចំនួន៨គ្រឿងដូចគ្នា
19-December-2017 | ដោយ ពលមនសិការ
បន្ទាយមានជ័យ ៖ ប្រជាពលរដ្ឋ១៧នាក់ដែលត្រូវអាជ្ញាធរឃាត់ត្រូវបានដោះលែងហើយប្រជាពលរដ្ឋដោះលែងរថយន្តថៃចំនួន៨គ្រឿងដូចគ្នានៅវេលាម៉ោង៣និង៣០នាទីថ្ងៃទី១៨ ខែធ្នូ ឆ្នាំ២០១៧ ឈមកម្ពុជាច្រករបៀងតំបន់៥ ស្ថិតភូមិព្រៃចាន់ ឃុំអូរបីជាន់ ស្រុកអូរជ្រៅ។
លោកឧត្តមសេនីយ៍ត្រី ឃួន ជឿន មេបញ្ជាការយោធារវរៈការពារព្រំដែនលេខ៥០៣ បានប្រាប់ថា៖នៅអំឡុងម៉ោង៦និង៣០នាទីថ្ងៃទី១៨ ខែធ្នូ ឆ្នាំ២០១៧ អាជ្ញាធរថៃបានឃាត់ប្រជាពលរដ្ឋខ្មែរចំនួន១៧នាក់ ស្រី៥នាក់ និងម៉ូតូ១៣គ្រឿងក្បែរព្រំដែនស្ថិតភូមិណងចាក់កែវ ឃុំគោកស៊ូងស្រុកគោកធ្យូងខេត្តស្រះកែវ។
លោកបានបញ្ជាក់ថា៖មូលហេតុដែលថៃឃាត់គឺបានចោទកាន់ពលករខ្មែរធ្វើការនៅតាមបន្ទាត់ព្រំដែនក្នុងទឹកដីថៃទៅព្រឹកវិលល្ងាចចោទថាលួចម៉ាស៊ីនក្នុងចំការក្នុងទឹកដីថៃក្បែរព្រំដែនខណៈពេលដែលត្រឡប់មកពីធ្វើការដែលបាត់កាលពីល្ងាចកាលថ្ងៃទី១៧ ខែធ្នូ ឆ្នាំ២០១៧។ ក្រោយពេលប្រជាពលរដ្ឋថៃបាត់ម៉ាស៊ីនភ្លើង១គ្រឿងលុះព្រឹកឡើងប្រជាពលរដ្ឋខ្មែរចូលទៅតាមច្រករបៀងតំបន់ប្រាំស្ថិតភូមិណង់ចាន់ ឃុំអូរបីជាន់ ស្រុកអូរជ្រៅដែលឈមភាគីថៃ ភូមិណងចាក់កែវ ឃុំគោកស៊ូង ស្រុកគោកធ្យូង ខេត្តស្រះកែវ។
លោកឧត្តមសេនីយ៍ត្រី ឃួន ជឿន បានបញ្ជាក់ថា៖ក្រោយពេលភាគីថៃឃាត់ប្រជាពលរដ្ឋខ្មែរចំនួន១៧នាក់ និងម៉ូតូ១៣គ្រឿងហើយលោកបានអោយកម្លាំងប្រចាំទិសលោកវរសេនីយ៍ត្រី អ៊ិន ផល មេបញ្ជាការកងល្បាតលេខ២សហការជាមួយកម្លាំងពាក់ព័ន្ធទំនាក់ទំនងជាមួយភាគីថៃជួបដោះស្រាយបានដោះលែងប្រជាពលរដ្ឋខ្មែរចំនួន១៧នាក់ដោះលេងមកវិញនៅម៉ោង១១និង៣០នាទីថ្ងៃទី១៨ ខែធ្នូ ឆ្នាំ២០១៧ តែម៉ូតូចំនួន១៣គ្រឿង ត្រូវបានឃាត់ថ្នូរអោយរកម៉ាស៊ីនប្រគល់ជូនវិញ។
ទោះជាយ៉ាងក៏ដោយប្រជាពលរដ្ឋខ្មែរបានឃាត់រថយន្តថៃចំនួន០៨គ្រឿងចូលដឹកអង្កាមក្នុងទឹកដីកម្ពុជានៅចំណុចច្រកតំបន់ប្រាំដូចគ្នាថ្នូរអោយថៃដោះលែងម៉ូតូ១៣គ្រឿង ក្រោយពីការពិភាក្សាថៃបានដោះលែងនិងប្រគល់ម៉ូតូ១៣គ្រឿងជូនប្រជាពលរដ្ឋខ្មែរវិញហើយកម្ពុជាបានប្រគល់សរថយន្តអោយម្ចាស់រថយន្តថៃវិញក្រោយពេលដោះលេងម៉ូតូនៅម៉ោង៣និង៣០នាទីថ្ងៃទី១៨ ខែធ្នូ ឆ្នាំ២០១៧ដូចគ្នា៕
ចំនួនអ្នកទស្សនា
- ថ្ងៃនេះ9121
- ម្សិលមិញ10851
- សប្តាហ៍នេះ75641
- ខែនេះ190791
- ឆ្នាំនេះ190791
- សរុប20633247