រថយន្តដឹកដំឡូងមីបុកជាមួយរថយន្ត៣គ្រឿងផ្សេងទៀតបណ្តាលឲ្យស្លាប់ម្នាក់និងរបួស២នាក់
19-December-2017 | ដោយ ពលមនសិការ
ក្រចេះ ៖ យ៉ាងហោចណាស់មនុស្សម្នាក់បានស្លាប់ភ្លាមៗនៅហ្នឹងកន្លែងកើតហេតុ និង២នាក់ទៀងរងរបួសស្រាលនៅក្នុងករណីគ្រោះថ្នាក់ចរាចរណ៍រវាងរថយន្តបុកជាមួរថយន្តបន្តកន្ទុយគ្នា រថយន្តយីឌុប១ និងទេសចរ៣ គ្រឿង។ ហេតុការណ៍គ្រោះថ្នាក់ខាងលើកើតឡើងនៅព្រឹកថ្ងៃទី១៩ ខែធ្នូ ឆ្នាំ២០១៧ នៅត្រង់ចំណុចភូមិក្បាលត្រាច ឃុំស្រែចារ ស្រុកស្នួល ខេត្តក្រចេះ លើផ្លូវជាតិលេ៧ (ស្នួល មេមត់) ក្នុងទិសដៅបញ្ច្រាស់គ្នា។
សមត្ថកិច្ចបានឲ្យដឹងថា រថយន្តបង្កម៉ាក នីសាន់ ពណ៌ខៀវ ពាក់ស្លាកលេខ កំពង់ចាម 3A-1030 អ្នកបើកបរមិនស្គាល់អត្តសញ្ញាណ ក្រោយពេលកើតហេតុបានរត់គេចខ្លួនបាត់ អ្នករួមដំណើជាមួយឈ្មោះ ផាត ម៉េងហួត ភេទប្រុស អាយុ១៣ឆ្នាំ ជនជាតិខ្មែរ មានទីលំនៅភូមិត្រពាំងឫស្សី ឃុំរកាប្រាំ ស្រុកត្បូងឃ្មុំ ខេត្តត្បូងឃ្មុំ បានស្លាប់នៅកន្លែងកើតហេតុ បានបុកនិងរថយន្តម៉ាក ហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 2G-9255 អ្នកបើកបរឈ្មោះ កែម ចាន់ ភេទប្រុស អាយុ ៣១ឆ្នាំ ជនជាតិខ្មែរ មានទីលំនៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ បានរងរបួសស្រាល ហើយបានរេចង្កូតទៅបុកនិងរថយន្តម៉ាក តូយូតា(Hiyas) ពណ៌ស ពាក់ស្លាកលេខ ភ្នំពេញ 3D-2300 អ្នកបើកបរឈ្មោះ ម៉ាន ហ៊ីមអី ភេទប្រុស អាយុ ៣០ឆ្នាំ ជនជាតិខ្មែរឥស្លាម រួមដំណើជាមួយឈ្មោះ ម៉ាន អារី ភេទប្រុស អាយុ ២៧ឆ្នាំ ជនជាតិខ្មែរឥស្លាម អ្នកទាំងពីរមានទីលំនៅភូមិពជ្រៃ ឃុំពជ្រៃ ពេជ្រចិន្តា ខេត្តមណ្ឌលគីរី រងរបួសស្រាល បន្ទាប់មកបានរេចង្កូតទៅបុកនិងរថយន្តមួយគ្រឿងទៀតម៉ាក សាំយ៉ុង ពណ៌ស ពាក់ស្លាកលេខ ភ្នំពេញ 2AA-2295 អ្នកបើកបរឈ្មោះ កែវ សុខហេង ភេទប្រុស អាយុ ៣៥ឆ្នាំ ជនជាតិខ្មែរ មានទីលំនៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ មិនរងរបួស រួមដំណើជាមួយឈ្មោះ ឌឹម ពៅ ភេទប្រុស អាយុ ២០ឆ្នាំ ជនជាតិខ្មែរ មានទីលំនៅភូមិស្អាត ឃុំស្រែចារ ស្រុកស្នួល ខេត្តក្រចេះ មិនរងរបួស។ សម្ភារៈខូចខាត រថយន្ត ចំនួន០២គ្រឿង ខូចស្រាល, និងរថយន្ត ០២គ្រឿងខូចធ្ងន់ ។
ក្រោយកើតហេតុកម្លាំងជំនាញបានចុះដល់កន្លែងកើតហេតុយកមធ្យោបាយពាក់ព័ន្ធមករក្សាទុកនៅអធិការដ្ឋាននគរបាលស្រុកស្នួល។ ចំណែកសាកសព ត្រូវបានសមត្ថកិច្ចយើង កំពុងស្វែងរកសាច់ញ្ញាតិ និងក្រុមគ្រួសារ យកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ10911
- ម្សិលមិញ10851
- សប្តាហ៍នេះ77431
- ខែនេះ192581
- ឆ្នាំនេះ192581
- សរុប20635037