មុខសញ្ញាជួញដូរគ្រឿងញៀនម្នាក់ត្រូវនគរបាលបញ្ជូនទៅពន្ធធនាគារ
19-December-2017 | ដោយ ពលមនសិការ
កំពង់ចាម ៖ ករណីជួញដូរដោយខុសច្បាប់នូវសាធាតុញៀន ដែលកម្លាំងអធិការដ្ឋាននគរបាលស្រុកស្រីសន្ធរ បានបង្ក្រាបកាលពីថ្ងៃទី១៣ ខែធ្នូ ឆ្នាំ២០១៧ ត្រូវបានលោក ប៉ុក សុវណ្ណមុនី ចៅក្រមស៊ើបសួរសាលាដំបូងខេត្តកំពង់ចាម បានចេញដីកាបង្គាប់ឲ្យឃុំខ្លួនលេខ ៨២៥ ចុះថ្ងៃទី១៩ ខែធ្នូ ឆ្នាំ២០១៧ សម្រេចឃុំខ្លួនជនជាប់ចោទ០១នាក់ ពីបទៈ ជួញដូរដោយខុសច្បាប់នូវសាធាតុញៀន ដែលប្រព្រឹត្តកាលពីថ្ងៃទី១៣ ខែធ្នូ ឆ្នាំ២០១៧ នៅភូមិព្រែកពោធិ៍ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម ។
សូមរំលឹកផងដែរថាៈ កាលពីថ្ងៃទី១៣ ខែធ្នូ ឆ្នាំ២០១៧ កម្លាំងអធិការដ្ឋាននគរបាលស្រុកស្រីសន្ធរ បង្ក្រាប ហើយបានធ្វើការឃាត់ខ្លួនជនសង្ស័យចំនួន០១នាក់ ។
ឈ្មោះ ស៊ឹម វិសាល ភេទប្រុស អាយុ២៤ឆ្នាំ ជនជាតិខ្មែរ មុខរបរ កសិករ ទីកន្លែងកំណើត និងទីលំនៅបច្ចុប្បន្ននៅភូមិព្រែកពោធិ៍ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម ។
បច្ចុប្បន្នជនជាប់ចោទត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារខេត្តកំពង់ចាម រួចរាល់ហើយ នៅថ្ងៃទី១៩ ខែធ្នូ ឆ្នាំ២០១៧ ទៅតាមបញ្ញត្តិច្បាប់មាត្រា៤០ នៃច្បាប់ស្តីពីការត្រួតពិនិត្យគ្រឿងញៀន ៕
ចំនួនអ្នកទស្សនា
- ថ្ងៃនេះ8571
- ម្សិលមិញ10851
- សប្តាហ៍នេះ75091
- ខែនេះ190241
- ឆ្នាំនេះ190241
- សរុប20632697