ដោយសាររឿងប្រចណ្ឌនិងធ្លាប់ប្រើប្រាស់គ្រឿងញៀន បណ្តាលឲ្យប្តីវាយនិងច្របាច់កប្រពន្ធស្លាប់
20-December-2017 | ដោយ ពលមនសិការ
ខេត្តតាកែវ ៖ កម្លាំងជំនាញនៃអធិការដ្ឋាននគរបាលស្រុកគិរីវង់ សហការជាមួយប៉ុស្តិ៍នគរបាលរដ្ឋបាលតាអូរ បានឃាត់ខ្លួនជនសង្ស័យម្នាក់ពាក់ព័ន្ធករណីមនុស្សឃាត ថ្ងៃទី២០ ខែធ្នូ ឆ្នាំ២០១៧ នៅភូមិជាវប្តីខាងកើត ឃុំតាអូរ ស្រុកគិរីវង់។
លោកវរសេនីយ៍ឯក យុគ សារ៉ាត់ អធិការ អធិការនគរបាលស្រុកគិរីវង់បានឲ្យដឹងថាជនសង្ស័យ ឈ្មោះ សែម វីរៈ ភេទប្រុស អាយុ៣៨ឆ្នាំ ស្រុកកំណើត នៅភូមិ មេសាង ឃុំពារាំង ស្រុកពារាំង ខេត្តព្រៃវែង បច្ចុប្បន្នរស់នៅកន្លែងកើតហេតុ នៅភូមិជាវប្តីខាងកើត ឃុំតាអូរ ស្រុកគិរីវង់។
លោកអធិការបន្តថាជនសង្ស័យបានធ្វើសកម្មភាពវាយ និងច្របាច់កសម្លាប់ប្រពន្ធខ្លួនឯងឈ្មោះ អេង ស្រយ ភេទស្រី អាយុ៣៦ឆ្នាំ រស់នៅភូមិជាវប្តីខាងកើត ឃុំតាអូរ ស្រុកគិរីវង់ ខេត្តតាកែវ ព្រមទាំងមានកូនក្នុងផ្ទៃពោះអាយុ០៩ខែ បណ្តាលឲ្យស្លាប់ជាមួយម្តាយកាលពីម៉ោង២ រំលងអាធ្រាត្រ ថ្ងៃខែឆ្នាំដដែល។ មូលហេតុ ដែលឈានដល់ការសម្លាប់ប្រពន្ធខ្លួន គឺមកពីជនសង្ស័យប្រចណ្ឌប្រពន្ធហើយធ្លាប់ជាមនុស្សប្រើប្រាស់គ្រឿងញៀនកាលទៅធ្វើជាពលករនៅប្រទេសថៃ បណ្តាលឲ្យមានសតិមិនប្រក្រតី។ បច្ចុប្បន្នកម្លាំងជំនាញកំពុងកសាងសំណុំរឿងដើម្បីចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ9181
- ម្សិលមិញ10851
- សប្តាហ៍នេះ75701
- ខែនេះ190851
- ឆ្នាំនេះ190851
- សរុប20633307