នគរបាលខេត្តព្រះសីហនុឃាត់ខ្លួនក្រុមបងធំ៩នាក់ពាក់ព័ន្ធករណីមនុស្សឃាត នៅឆ្នេរអូរឈើទាល
22-December-2017 | ដោយ ពលមនសិការ
ព្រះសីហនុ ៖ កម្លាំងនគរបាលខេត្តព្រះសីហនុបានឃាត់ខ្លួនជនសង្ស័យមួយក្រុមមានគ្នា ៩នាក់ដែលមានរហ័សនាមថា ក្រុម AL ពាក់ព័ន្ធករណីមនុស្សឃាតគិតទុកជាមុន ទៅលើជនរងគ្រោះម្នាក់នៅដីអតីតអារីស្តុន ឆ្នេរអូរឈើទាល ក្រុងព្រះសីហនុ កាលពីយប់ថ្ងៃទី១៩ ខែធ្នូ ឆ្នាំ២០១៧។
លោកឧត្តមសេនីយ៍ត្រី កុល ផាលី បានប្រាប់ឲ្យដឹងថាក្នុងប្រតិបត្តិការខាងលើដឹកនាំដោយលោកឧត្តមសេនីយ៍ទោ ជួន ណារិន្ទ ស្នងការខេត្ត ហើយក្រុមជនសង្ស័យក្រុមជនសង្ស័យ បានប្រើកាំបិតកាប់ទៅលើជនរងគ្រោះ ចំនួន២កាំបិត (ក្បាលនិងកញ្ចឹងក) បណ្តាលឲ្យស្លាប់ភ្លាម នៅកន្លែងកើតហេតុ។
ជនសង្ស័យទាំង៩នាក់រួមមានទី១- ឈ្មោះ ជា វីដេវីត ភេទប្រុស អាយុ ១៧ឆ្នាំ មុខរបរ ជាងភ្លេង មានទីលំនៅភូមិ៣ សង្កាត់៤ ក្រុងព្រះសីហនុ (ចារីដៃដល់) ក្រុម AL, ទី២-ឈ្មោះ អ៊ុង ដារារិទ្ធ ភេទប្រុស អាយុ១៧ឆ្នាំ មុខរបរព្រូឡាន នៅភូមិ១ សង្កាត់លេខ១ ក្រុងព្រះសីហនុ (សហចារី) ក្រុមAL,ទី៣-ឈ្មោះ គង់ មាន ភេទប្រុស អាយុ១៧ឆ្នាំ មុខរបរ លក់ដូរ មានទីលំនៅភូមិ១ សង្កាត់៤ ក្រុងព្រះសីហនុ (សហចារី) ក្រុម AL, ទី៤- ឈ្មោះ ហ៊ុយ សេងលី ភេទប្រុស អាយុ១៥ឆ្នាំ មុខរបរ សិស្ស មានទីលំនៅភូមិ១ សង្កាត់៤ ក្រុងព្រះសីហនុ (សហចារី) ក្រុម ADZ, ទី៥- ឈ្មោះ យូ អ៊ី ភេទប្រុស អាយុ១៥ឆ្នាំ មុខរបរសិស្ស មានទីលំនៅភូមិ១ សង្កាត់៤ ក្រុងព្រះសីហនុ(សហចារី) ក្រុម ADZ, ទី៦- ឈ្មោះ ឃាង ណារិន ភេទប្រុស អាយុ១៩ឆ្នាំ មុខរបរនៅផ្ទះ មានទីលំនៅភូមិ២ សង្កាត់៤ ក្រុងព្រះសីហនុ (សហចារី) ក្រុមADZ, ទី៧- ឈ្មោះ ខាន់ សំណាង ភេទប្រុស អាយុ១៦ឆ្នាំ មុខរបរសិស្ស មានទីលំនៅភូមិ៤ សង្កាត់៤ ក្រុងព្រះសីហនុ (សហចារី) ក្រុមអាវុធខ្លី ម៉ាកឡុក១៧ ប្រើហ្គាស ក្រុមADZ, ទី៨- ឈ្មោះ បូ ចាន់ ភេទប្រុស អាយុ១៨ឆ្នាំ មុខរបរនៅផ្ទះ មានទីលំនៅភូមិ២ សង្កាត់២ ក្រុងព្រះសីហនុ (សហចារី) ក្រុមADZ, និងទី៩-ឈ្មោះ សោម វីរតនា ភេទប្រុស អាយុ១៦ឆ្នាំ មុខរបរសិស្ស មានទីលំនៅភូមិ៤ សង្កាត់៤ ក្រុងព្រះសីហនុ(សហចារី) អ្នកផ្តល់កាំបិតក្រុម ADZ។ បក្សពួកវា នៅសល់៥នាក់ទៀត កំពុងតាមរកចាប់ខ្លួន។
វត្ថុតាងចាប់យក៖ កាំបិតកាចែតមួយ (ឧបករណ៍សម្រាប់ធ្វើឃាត), អាវុធខ្លី ម៉ាកឡុក១៧ ប្រើហ្គាសមួយដើម, ម៉ូតូ ចំនួន៣គ្រឿង (ម៉ាកសេ១២៥ សេរីឆ្នាំ២០១៧ ចំនួន ២ និងម៉ាក MSX មួយគ្រឿង)។
លោកស្នងការរងបន្តថាៈ មូលហេតុ គំនុំរវាងក្រុមបងតូចបងធំពួកវាបានចែកជាក្រុមមានៈ ក្រុម K-BOY, ក្រុម កាំបិតធំ
, ក្រុម AL, ក្រុម ADZ។
ចំណែកជនគ្រោះ បើតាមលោកស្នងការរងបញ្ជាក់ថា ជនរងគ្រោះឈ្មោះ សយ លួន ភេទប្រុស អាយុ១៩ឆ្នាំ មុខរបរ បុគ្គលិកប៉ាវម៉ាយ (ជាក្រុមកាំបិតធំ)។
លោកការរងបានបញ្ជាក់ថានិងបញ្ជូនក្រុមជនសង្ស័យទៅសាលាដំបូងខេតត្តនៅរសៀលថ្ងៃទី២២ ខែធ្នូ ឆ្នាំ២០១៧នេះ ដើម្បីអនុវត្តនីតិវិធី ៕
ចំនួនអ្នកទស្សនា
- ថ្ងៃនេះ8821
- ម្សិលមិញ10851
- សប្តាហ៍នេះ75341
- ខែនេះ190491
- ឆ្នាំនេះ190491
- សរុប20632947