ក្រុមបងធំ៩នាក់ ប្រចាំខេត្តបាត់ដំបង ត្រូវនគរបាលឃាត់ខ្លួន
22-December-2017 | ដោយ ពលមនសិការ
បាត់ដំបង ៖ កាលពីថ្ងៃទី២១ ខែធ្នូ ឆ្នាំ២០១៧ វេលាម៉ោង១៨និង៣០នាទី នៅចំណុចមុខក្លឹបកម្សាន្ត Hero ដែលស្ថិតនៅក្រុមទី០៣ ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ក្រុមអន្តរាគមន៍បង្ការ បង្ក្រាប បានចុះកិច្ចប្រត្តិបត្តិការ បង្ក្រាប ឃាត់ខ្លួនជនសង្ស័យចំនួន ០៩នាក់ ពាក់ពន្ធ័ករណី ហិង្សាដោយចេតនា ( កាប់និងកាំបិត )។
សមត្ថកិច្ចបានឲ្យដឹងថាជនសង្ស័យឈ្មោះទី១- ឈ្មោះ រ៉ូវ ពិសិទ្ធដារាវ័ន្ត ភេទប្រុស អាយុ១៩ឆ្នាំ មានទីលំនៅភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង ជាជនដៃដល់។ទី២- ឈ្មោះ លន់ គឹមឡាយ ភេទប្រុស អាយុ១៨ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង ជាជនដៃដល់។ ទី៣- ឈ្មោះ វិច្ចរ៉ា បុមបូរ ភេទប្រុស អាយុ១៧ឆ្នាំ មានទីលំនៅភូមិវត្តតាមឹម ឃុំអូរដំបង១ ស្រុកសង្កែ ខេត្តបាត់ដំបង ជាបក្សពួក។
ទី៤- ឈ្មោះ ម៉េង លីហួត ភេទប្រុស អាយុ ១៩ឆ្នាំ មានទីលំនៅ ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបងជាបក្សពួក។ ទី៥- ឈ្មោះ ឈាន ប៊ុនឈុប ភេទប្រុស អាយុ២១ឆ្នាំ មានទីលំនៅភូមិពាមឯក ឃុំពាមឯក ស្រុកឯកភ្នំ ខេត្តបាត់ដំបង ជាបក្សពួក។ ទី៦- ឈ្មោះ មឿន និតិរដ្ឋ ភេទប្រុស អាយុ១៨ឆ្នាំ មានទីលំនៅភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ជាបក្សពួក។ ទី៧- ឈ្មោះ ឆែម សេដ្ឋា ភេទប្រុស អាយុ ២៣ឆ្នាំ មានទីលំនៅភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបង ជាបក្សពួក។ ទី៨- ឈ្មោះ ម៉ន សៅនុត ភេទប្រុស អាយុ២២ឆ្នាំ មានទីលំនៅភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ជាបក្សពួក។ និងទី៩- ឈ្មោះ ម៉េង សុផាន់ណា ភេទប្រុស អាយុ១៩ឆ្នាំ មានទីលំនៅភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបងជាបក្សពួក។
ក្រុមជនសង្ស័យបាន កាប់ទៅលើជនរងគ្រោះមានឈ្មោះ សយ សាឃិន ភេទប្រុស អាយុ២១ឆ្នាំ មានទីលំនៅភូមិកំពង់សីមា សង្កាត់វត្តគរ ក្រុងបាត់ដំបង ខេត្តបាត់ដំបង កាលពីថ្ងៃទី ៣០ ខែវិច្ឆិកា ឆ្នាំ២០១៧ វេលាម៉ោង១៨និង២០នាទី នៅចំណុចមុខភោជនីយដ្ឋាន អាស៊ានបៀរ ស្ថិតក្នុងភូមិរតនៈ សង្កាត់រតនៈ ក្រុងបាត់ដំបង ខេត្តបាត់ដំបង ។
វត្ថុតាងចាប់យករួមមានៈ កាំបិតកែច្នៃចំនួន ០៤ដើម, ម៉ូតូម៉ាកហុងដាឌ្រីម C125 ពណ៌ខ្មៅ ចំនួន ០៣គ្រឿង។
បច្ចុប្បនកម្លាំងជំនាញកំពុងកសាងឯកសារ ដើម្បីចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ10441
- ម្សិលមិញ10851
- សប្តាហ៍នេះ76961
- ខែនេះ192111
- ឆ្នាំនេះ192111
- សរុប20634567