មុខសញ្ញាជួញដូរគ្រឿងញៀនម្នាក់ត្រូវបានកម្លាំងនគរបាលប៉ុស្តិ៍ស្ទឹងមានជ័យ៣ ឃាត់ខ្លួន
23-December-2017 | ដោយ ពលមនសិការ
ភ្នំពេញ ៖ នៅថ្ងៃទី២៣ ខែធ្នូ ឆ្នាំ២០១៧ វេលាម៉ោង០៣និង៤៥នាទី កម្លាំងនគរបាលប៉ុស្តិ៍ស្ទឹងមានជ័យទី៣ បានធ្វើការល្បាតពួនស្ទាក់នៅក្នុងមូលដ្ឋាន ហើយនៅពេលមកដល់ចំណុចមុខហាងសាំងតេលា ផ្លូវបេតុង ភូមិ ទ្រា៤ សង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ក៏បានឃាត់ខ្លួនជនសង្ស័យម្នាក់ពីបទជួញដូរដោយខុសច្បាប់នូវសារធាតុញៀន។
សមត្ថកិច្ចបានឲ្យដឹងថាជនសង្ស័យឈ្មោះ វៃ សល់ ហៅ ឈីត ភេទប្រុស អាយុ២៣ឆ្នាំ ជនជាតិខ្មែរ មុខរបរ រើសអេតចាយ ទីលំនៅផ្ទះជួល ផ្លូវបេតុង ភូមិ ទ្រា៤ សង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
វត្ថុតាងដកហូតបានរួមមាន៖ ក្រាមពណ៌សថ្លា (សង្ស័យជាគ្រឿងញៀន) ចំនួន ១៧ កញ្ចប់ថង់តូច, ទូរស័ព្ទដៃចាស់មួយគ្រឿង និងម៉ូតូមួយគ្រឿងម៉ាកស្មាសពណ៌ខ្មៅ ពាក់ស្លាកលេខ តាកែវ 1C-7320។ បច្ចុប្បន្នជនសង្ស័យឈ្មោះ វៃ សល់ ឃាត់ខ្លួននៅអធិការដ្ឋាន ដើម្បីកសាងសំណុំរឿងចាត់តាមនីតិវិធី ៕
ចំនួនអ្នកទស្សនា
- ថ្ងៃនេះ9521
- ម្សិលមិញ10851
- សប្តាហ៍នេះ76041
- ខែនេះ191191
- ឆ្នាំនេះ191191
- សរុប20633647