ជនជាតិចិនម្នាក់ស្លាប់នៅសណ្ឋាគារសម្បត្តិទិព្វ សង្ស័យបណ្តាលមកពីគាំងបេះដូង
23-December-2017 | ដោយ ពលមនសិការ
ភ្នំពេញ ៖ ជនជាតិចិនម្នាក់ត្រូវបានប្រទះឃើញដេកស្លាប់នៅថ្ងៃទី២៣ ខែធ្នូ ឆ្នាំ២០១៧ វេលាម៉ោង០៤និង៣០នាទី នៅសណ្ឋាគារសម្បត្តិទិព្វ (បន្ទប់លេខ៤០៨) ផ្លូវជាតិលេខ១ ភូមិដើមអំពិល សង្កាត់ច្បារអំពៅ១ ខណ្ឌច្បារអំពៅ។
លោកវរសេនីយ៍ទោ ម៉ៅ សឿត អធិការរងខណ្ឌច្បារអំពៅបានឲ្យដឹងថាជនរងគ្រោះឈ្មោះ Zhang Biao ភេទ ប្រុស អាយុ២៨ឆ្នាំ ជនជាតិចិន កាន់លិខិតឆ្លងដែនលេខ EA ៨៥៥១៨៩៦ មុខរបរចុងភៅ ស្នាក់នៅខុនដូរ ផ្លូវម៉ៅសេទុង សង្កាត់ទំនប់ទឹក ខណ្ឌចំការមន។
លោកអធិការរងបន្តថា កាលពីវេលាម៉ោង០២និង២០នាទីថ្ងៃទី២៣ ជនរងគ្រោះផឹកស្រាស្រវឹង រួចជិះម៉ូតូកង់បីមកយកសង្សារឈ្មោះ ង្វៀង ធីង៉ុកហាំង នៅផ្ទះជួល ភូមិដើមស្លែង សង្កាត់ ច្បារអំពៅ២ រួចនាំគ្នាមកដេក នៅចំណុចកើតហេតុខាងលើ ពេលនោះជនរងគ្រោះមានអាការៈ មិនស្រួលខ្លួន ចុកដើមទ្រូង និងក្អួត រួចឈ្មោះង្វៀង ធីង៉ុកហាំង ក៏ហៅអ្នកគ្រប់គ្រងសណ្ឋាគារ ឲ្យជួយហៅរថយន្តពេទ្យមកដឹកជនរងគ្រោះយកទៅមន្ទីរពេទ្យ កាល់ម៉ែត្រ ពេលទៅដល់គ្រូពេទ្យពិនិត្យលើជនរងគ្រោះរួច ប្រាប់ថាស្លាប់បាត់ហើយ រួចក៏ដឹកសពមកតំកល់ទុកនៅវត្តស្ទឹងមានជ័យ។
តាមការពិនិត្យរបស់ការិយាល័យ នគរបាលបច្ចេកទេសវិទ្យាសាស្ត្រ រាជធានីភ្នំពេញ និងការពិនិត្យរបស់ ឧកញាវេជ្ជបណ្ឌិត នង សុវណ្ណារ័ត្ន គ្រូពេទ្យកោសលវិច្ច័យរាជធានីភ្នំពេញ បញ្ជាក់ជំហ៊ានដំបូងថា ជនរងគ្រោះស្លាប់ ដោយសារគាំងបេះដូង និងរងចាំលទ្ធផលធ្វើតេស្តិ៍ឈាម បន្តទៀត។
បច្ចុប្បន្ន សពតំកល់ទុកនៅវត្តស្ទឹងមានជ័យ រងចាំក្រុមគ្រួសារមកទទួលយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ9621
- ម្សិលមិញ10851
- សប្តាហ៍នេះ76141
- ខែនេះ191291
- ឆ្នាំនេះ191291
- សរុប20633747