សមត្ថកិច្ចគយរាជធានីភ្នំពេញប្រតិត្តិការបង្ក្រាបម៉ូតូគេចពន្ធនិងម៉ូតូរំលោភកម្មសិទ្ធិបញ្ញាតាមស្តង់លក់ម៉ូតូនៅរាជធានីភ្នំពេញ
27-December-2017 | ដោយ ពលមនសិការ
ភ្នំពេញ ៖ សមត្ថកិច្ចគយរាជធានីភ្នំពេញបានបើកប្រតិបត្តិការដើម្បីបង្ក្រាបម៉ូតូគេចពន្ធខុសច្បាប់ក៏ដូចជាម៉ូតូនាំចូលរំលោភកម្មសិទ្ធិបញ្ញា និងម៉ូតូនាំចូលដែលមានការបង់ពន្ធមានភាពមិនប្រក្រតីដោយម៉ូតូស៊េរីខ្ពស់បង់ពន្ធម៉ូតូស៊េរីទាបទៅវិញ ដើម្បីបន្ធូបន្ថយពន្ធធ្វើឡើងក្នុងរូបភាពឃុបគិតគ្នារវាងឈ្មួញ និងសមត្ថកិច្ចគយតាមច្រកទ្វារ បញ្ហានោះគឺជាកិបកេងនាំឲ្យមានការខាតបង់ពន្ធរដ្ឋយ៉ាងធ្ងន់ធ្ងរ។ ប្រតិបត្តិការពីសំណាក់សមត្ថកិច្ចគយដើម្បីបង្ក្រាបនៅតាមស្តង់លក់ម៉ូតូក្នុងរាជធានីភ្នំពេញបានធ្វើឡើងនៅចំណុចគីរីរម្យ កាលពីព្រឹកថ្ងៃទី២៧ ខែធ្នូ ឆ្នាំ២០១៧ ក្រោយបែកធ្លាយនៃការនាំចូលរត់ពន្ធម៉ូតូខុសច្បាប់ទ្រង់ទ្រាយធំ និងការប្តឹងពីសំណាក់ក្រុមហ៊ុនឈ្មោះ ខេម បូឌា ស៊ុយហ្ស៊ុយគីម៉ូធ័រ ដែលជាក្រុមនាំចូលម៉ូតូធំជាងគេផ្តាច់មុខម៉ាកស៊ុយហ្ស៊ុយគីនិច ទៅអគ្គនាយកដ្ឋានគយកម្ពុជាដើម្បីជួយទប់ស្កាត់នៃការនាំចូលម៉ូតូគេចពន្ធម៉ាកស៊ុយហ្ស៊ុយគីនិច ចេញពីច្រកព្រំដែនកម្ពុជា-ថៃ ហើយបានរងការបង្ក្រាបពីសមត្ថកិច្ច គយម៉ូតូគេចពន្ធរំលោភកម្មសិទ្ធិបញ្ញាកាលពីកន្លងទៅថ្មីៗនេះនៅរាជធានីភ្នំពេញហើយនោះ។
សេចក្តីរាយការណ៍ឲ្យដឹងថាប្រតិបត្តិការចុះបង្ក្រាបស្តង់លក់ម៉ូតូនៅចំណុចគីរីរម្យពីសំណាក់សមត្ថកិច្ចគយ គ្មានបានលទ្ធផលផ្លែផ្កាអ្វីនោះឡើយ គ្រាដែលមានសេចក្តីរាយការណ៍ឲ្យដឹងថា ម្ចាស់ស្តង់លក់ម៉ូតូទទួលបានព័ត៌មានបានដឹងជាមុននិងបានរំដោះចេញនូវម៉ូតូគេចពន្ធផុតអស់ទៅហើយ មុននិងសមត្ថកិច្ចគយចុះទៅដល់នោះ។
សូមរំលឹកថាកាលពីយប់ថ្ងៃទី១៧ ខែធ្នូ ឆ្នាំ២០១៧ កន្លងទៅថ្មីៗនេះ សមត្ថកិច្ចគយ បានធ្វើការបង្ក្រាបម៉ូតូបង់ពន្ធមានភាពមិនប្រក្រតីម៉ាកស៊ុយហ្ស៊ុយគីនិចចំនួន៤០គ្រឿង នៅចំណុចចំណតរថយន្តផ្សារថ្មីរាជធានីភ្នំពេញ ខណៈដែលម៉ូតូនោះបានបម្រុងនាំចេញដឹកតាមរថយន្តឆ្ពោះមកខេត្តសៀមរាប។ ការបង់ពន្ធមានភាពមិនប្រក្រតីគឺឈ្មួញបានឃុបឃិតជាមួយគយបង់ពន្ធបញ្ចុះស៊េរីខ្ពស់មកស៊េរីទាប ម៉ូតូស៊េរីថ្មីឆ្នាំ២០១៧មកបង់ពន្ធម៉ូតូស៊េរីឆ្នាំ២០១៥ បង់ពន្ធបែបនោះធ្វើឲ្យរដ្ឋខាតចំណូលពន្ធម៉ូតូ១គ្រឿងយ៉ាងហោចណាស់៥០០ដុល្លារ និងមិនតែប៉ុណ្ណោះបានរំលោភកម្មសិទ្ធិបញ្ញារបស់ក្រុមហ៊ុន ខេមបូឌា ស៊ុយហ្ស៊ុយគីម៉ូធ័រ មានសិទ្ធិផ្តាច់មុខនាំចូលម៉ូតូម៉ាកស៊ុយហ្ស៊ុយគីនិច។ ឈ្មួញនាំម៉ូតូរងការបង្ក្រាបត្រូវបានគេស្គាល់ឈ្មោះ រស់ ម៉េងលី ហៅជ្រុយ រស់នៅក្នុងរាជធានីភ្នំពេញ។ ម៉ូតូ៤០គ្រឿងរងការបង្ក្រាបនោះមុនដំបូងត្រូវបានគេង្ស័យថានាំចូលតាមច្រកព្រំដែនខេត្តបាត់ដំបង ក្រោយមកមានសេចក្តីរាយការណ៍ឲ្យដឹងថាមានការសង្ស័យឈ្មួញនាំចូលតាមច្រកកំពង់ផែអន្តរជាតិស្វយ័តក្រុងព្រះសីហនុទៅវិញ ជុំវិញបញ្ហានេះអ្នកយកព័ត៌មានយើងមិនអាចរកការទំនាក់ទំនងសាកសួរបំភ្លឺបានទេពីប្រធានគយប្រចាំកំពង់ផែអន្តរជាតិស្វយ័តក្រុងព្រះសីហនុនោះ។ ម៉ូតូទាំងនោះបច្ចុប្បន្នកំពុងតែរក្សាទុកនៅនាយកដ្ឋាគយនិងរដ្ឋាករបង្ការនិងបង្ក្រាបបទល្មើសរាជធានីភ្នំពេញ ៕
ចំនួនអ្នកទស្សនា
- ថ្ងៃនេះ10711
- ម្សិលមិញ10851
- សប្តាហ៍នេះ77231
- ខែនេះ192381
- ឆ្នាំនេះ192381
- សរុប20634837