ជនសង្ស័យ៣នាក់ត្រូវសមត្ថកិច្ចនគរបាលជំនាញបញ្ជូនខ្លួនទៅតុលាការ
27-December-2017 | ដោយ ពលមនសិការ
សៀមរាប ៖ នៅថ្ងៃទី២៧ ខែធ្នូ ឆ្នាំ២០១៧ នៅវេលាម៉ោង០៩និង២០នាទី កម្លាំងការិយាល័យប្រឆាំងគ្រឿងញៀនដោយមានការចូលរួមសហការពីកម្លាំងប៉ុស្តិ៍នគរបាលរដ្ឋបាលសង្កាត់ស្លក្រាមបានចុះបង្ក្រាបករណីរក្សាទុកនិងជួញដូរដោយខុសច្បាប់នូវសារ ធាតុញៀននៅលំនៅដ្ឋានភូមិធ្លកអណ្តូង សង្កាត់ស្លក្រាមក្រុងខេត្តសៀមរាប និងឃាត់ខ្លួនជនសង្ស័យចំនួន០៣នាក់។
សមត្ថកិច្ចបានឲ្យដឹងថាជនសង្ស័យរួមមានទី១-ឈ្មោះ លី ប៊ុនណា ហៅឆៃរឺយ៉ា ភេទប្រុស អាយុ២០ឆ្នាំ មុខរបរគ្មានទីលំនៅភូមិក្រួសសង្កាត់ ស្វាយដង្គំក្រុងខេត្តសៀមរាប រក្សាទុកនិងជួញដូរ មានសារធាតុញៀនក្នុងខ្លួន ទី២-ឈ្មោះសៀង រក្សា ហៅអាសា ភេទស្រី អាយុ១៩ឆ្នាំ មុខរបរគ្មានទីលំនៅភូមិមណ្ឌល៣ សង្កាត់ស្លក្រាម ក្រុង/ខេត្តសៀមរាប ចាត់ចែង មានសារធាតុញៀនក្នុងខ្លួន និងទី៣-ឈ្មោះ លី វ៉ាន់ណារ៉ាក់ ភេទប្រុស អាយុ១៦ឆ្នាំ មុខរបរគ្មានទីលំនៅភូមិធ្លកអណ្តូង សង្កាត់ស្លក្រាម ក្រុង/ខេត្តសៀមរាប ប្រើប្រាស់ មានសារធាតុញៀនក្នុងខ្លួន។
វត្ថុតាងដកហូតៈ មានម្សៅមេតំហ្វេតាមីនប្រភេទទឹកកកចំនួន០១កញ្ចប់ស្មើនឹងទម្ងន់០,០១ក្រាមទាំងសំបកឧបករណ៍ប្រើប្រាស់និងសម្ភារៈវេចខ្ចប់ថ្នាំញៀនមួយចំនួន,ទូរស័ព្ទដៃ០៤គ្រឿង។
បច្ចុប្បន្នសមត្ថកិច្ចនគរបាលជំនាញបានកសាងសុំណុំរឿងបញ្ចូនទៅសាលាដំបូងខេត្តថ្ងៃទី២៧ខែធ្នូឆ្នាំ២០១៧ដើម្បីចាត់ការទៅតាមនីតិវិធីបន្ត ៕
ចំនួនអ្នកទស្សនា
- ថ្ងៃនេះ10901
- ម្សិលមិញ10851
- សប្តាហ៍នេះ77421
- ខែនេះ192571
- ឆ្នាំនេះ192571
- សរុប20635027