នគរបាលឃាត់ខ្លួនជនសង្ស័យ ២នាក់ពាក់ព័ន្ធករណីគ្រឿងញៀន
28-December-2017 | ដោយ ពលមនសិការ
ត្បូងឃ្មុំ ៖ កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកមេមត់ បានចេញប្រតិបត្តិការបង្ក្រាប និងឃាត់ខ្លួនជនសង្ស័យឈ្មោះ ឈឿន កុសល ភេទប្រុស អាយុ ២៣ ឆ្នាំ ជនជាតិខ្មែរ មានទីលំនៅឋានភូមិមេមត់កណ្តាល ឃុំមេមត់ ស្រុកមេមត់ ខេត្តត្បូងឃ្មុំ ពាក់ព័ន្ធករណីគ្រឿងញៀន នៅចំណុចបរិវេណវត្តបទុមរតនារាមមេមត់ ស្ថិតក្នុងភូមិត្បូងវត្ត ឃុំមេមត់ ស្រុកមេមត់ ខេត្តត្បូងឃ្មុំ កាលពីថ្ងៃទី ២៦ ខែ ធ្នូ ឆ្នាំ២០១៧ វេលាម៉ោង១៣និង៤៥ នាទីរសៀល។
បន្ទាប់ពីបានឃាត់ខ្លួនជនសង្ស័យខាងលើកម្លាំងយើងបានធ្វើការឆែកឆេររកឃើញនូវម្សៅក្រាមពណ៌ស សង្ស័យជាគ្រឿងញៀនប្រភេទម៉ាទឹកកកចំនួន មួយ កញ្ចប់ធំ រួចនាំខ្លួនមកកាន់អធិការដ្ឋាននគរបាល ស្រុកមេមត់ ដើម្បីសាកសួរចម្លើយ។
តាមចម្លើយសាររបស់ឈ្មោះ ឈឿន កុសល បានឲ្យដឹងថា ម្សៅក្រាមពណ៌សថ្លាសង្ស័យជាគ្រឿងញៀននោះ គឺរូបគេបានទិញពីឈ្មោះ យីវ ចំរើនម៉ូលីកា ហៅ ស្រីមុំ ភេទស្រី អាយុ ២២ ជាតិខ្មែរ មានលំនៅឋានភូមិត្បូងវត្ត ឃុំមេមត់ ស្រុកមេមត់ ខេត្តត្បូងឃ្មុំ ក្នុងតំលៃ ១៨០,០០០ ៛ ។
ក្រោយពីបានទទួលចម្លើយសារភាពភ្លាមកម្លាំងចុះធ្វើការស្រាវជ្រាវរកឈ្មោះ យីវ ចំរើនម៉ូលីកា ហៅ ស្រីមុំ រហូតដល់ចំណុចភូមិមេមត់កណ្តាល ឃុំមេមត់ ស្រុកមេមត់ ខេត្តត្បូងឃ្មុំ កំពុងជិះម៉ុតូឌុបដោយឈ្មោះ អ៊ុន ចិត្រា ភេទប្រុស អាយុ ៣៥ ឆ្នាំ ជាតិខ្មែរ រស់នៅភូមិ-ឃុំជាមួយ។ ខណៈពេលនៅផងដែលឈ្មោះ យីវ ចំរើនម៉ូលីកា ហៅ ស្រីមុំ បានដកថង់ផ្លាស្ទិកចេញពីហោប៉ៅខោខៅបយ បោះចោលទៅលើដី ដោយឃើញសមត្ថកិច្ចយើងកំពុងព្យាយាមស្ទាក់ឃាត់ខ្លួនរូបនាង។ ភ្លាមនោះកម្លាំងយើងបានឃាត់ជនសង្ស័យទាំង២នាក់ រួចរកឃើញនូវម្សៅក្រាមពណ៌សថ្លាសង្ស័យជាគ្រឿងញៀនចំនួន ០៣ កញ្ចប់តូច នៅលើដីក្បែរលូដែលឈ្មោះ យីវ ចំរើនម៉ូលីកា ហៅ ស្រីមុំ ព្យាយាមបោះចោលបំបាត់ភស្តុតាង ហើយបញ្ជូនមកកាន់អធិការដ្ឋាននគរបាលស្រុកមេមត់ ដើម្បីសាកសួរចម្លើយ។
បច្ចុប្បន្នជនសង្ស័យទាំង ០៣ នាក់ខាងលើ រួមនិងវត្ថុតាងថ្នាំញៀនទាំង ០៤ កញ្ចប់ ក្នុងនោះ ០១ កញ្ចប់ធំ ត្រូវបានកម្លាំងជំនាញប្រឆាំងគ្រឿងញៀនស្រុកមេមត់ កសាងសុំណុំរឿងបញ្ជូនខ្លូនទៅតុលាការ ដើម្បីផ្ដន្ទាទោសតាមផ្លូវច្បាប់៕
ចំនួនអ្នកទស្សនា
- ថ្ងៃនេះ10691
- ម្សិលមិញ10851
- សប្តាហ៍នេះ77211
- ខែនេះ192361
- ឆ្នាំនេះ192361
- សរុប20634817