បុរសម្នាក់ត្រូវនគរបាលឃាត់តាមដីកា ពាក់ព័ន្ធករណីមនុស្សឃាត
28-December-2017 | ដោយ ពលមនសិការ
បាត់ដំបង ៖ ដោយអនុវត្តតាមបទបញ្ជាណែនាំរបស់ឯកឧត្តម អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី ជេត វណ្ណនី ស្នងការរងទទួលផែនយុត្តិធម៌ បានដឹកនាំជំនាញ អនុវត្ត តាមដីកាបង្កាប់ឲ្យចាប់ខ្លួនលេខ២១៣ របស់សាលាដំបូងខេត្តត្បូងឃ្មុំ ពីបទមនុស្សឃាតគិតទុកជាមុន នៅខេត្តត្បូឃ្មុំ ខណៈដែលជនសង្ស័យបានរត់គេចខ្លួនពីសាលដីកា មកសម្ងំលាក់ខ្លួនពួនអាត្មាក្នុងខេត្តបាត់ដំបង។
ករណីនេះ លោកឧត្ដមសេនីយ៍ត្រី ជេត វណ្ណនី បានប្រាប់អោយដឹងថា ថ្ងៃទី២៨ ខែធ្នូ ឆ្នាំ២០១៧ វេលាម៉ោង១២និង៣០នាទី កំម្លាំងជំនាញសហការណ៍ជាមួយកម្លាំងអធិការដ្ឋាននគរបាលស្រុកកំរៀង បានអនុវត្តន៍តាមដីកាបង្កាប់ឲ្យចាប់ខ្លួលេខ២១៣ របស់សាលាដំបូងខេត្តត្បូងឃ្មុំ ជនសង្ស័យឈ្មោះអ៊ី សារី ភេទប្រុស អាយុ៥០ឆ្នាំ ទីលំនៅក្រុមទី៧ ភូមិរការខ្នុរ ស្រុកក្រូចឆ្មា ខេត្តត្បូងឃ្មុំ ពីបទមនុស្សឃាតគិតទុកជាមុន នៅខេត្តត្បូឃ្មុំ។
ករណីនេះ កម្លាំងនគរបាលស្រុកកំរៀងបានធ្វើការឃាត់ខ្លួនជនសង្ស័យឈ្មោះអ៊ី សារី នៅក្រុមទី៣ ភូមកំរៀង ឃុំកំរៀង ស្រុកកំរៀង ខេត្តបាត់ដំបង រួចបាននាំខ្លួនជនសង្ស័យមកអធិការដ្ឋាន រងចាំកម្លាំងនគរបាលខេត្តត្បូងឃ្មុំ មកទទួលទៅនិងបន្តនិតិវិធីនៅខេត្តត្បូងឃ្មុំ ៕
ចំនួនអ្នកទស្សនា
- ថ្ងៃនេះ10891
- ម្សិលមិញ10851
- សប្តាហ៍នេះ77411
- ខែនេះ192561
- ឆ្នាំនេះ192561
- សរុប20635017