ពលរដ្ឋខ្មែរចំនួន៣នាក់ ឆ្លងដែនខុសច្បាប់កាប់ឈើក្រញូង ត្រូវបានអាជ្ញាធរថៃ បញ្ជូនមកឲ្យអាជ្ញាធរកម្ពុជា
31-December-2017 | ដោយ ពលមនសិការ
ឧត្តរមានជ័យ ៖ ពលរដ្ឋខ្មែរ៣នាក់ត្រូវបានកម្លាំងអាជ្ញាធរថៃចាប់បញ្ជូនមកវិញកាលពីព្រឹកថ្ងៃទី៣០ ខែធ្នូ ឆ្នាំ២០១៧ តាមច្រកអន្តរជាតិជាំ ពាក់ព័ន្ធករណីចូលទឹកថៃកាប់ឈើក្រញូងខុសច្បាប់។
សមត្ថកិច្ចបានឲ្យដឹងថាជនសង្ស័យទី១-ឈ្មោះ សេង វណ្ណី ភេទប្រុស អាយុ២៥ឆ្នាំ ភូមិវត្តអង្គ ឃុំព្រៃឃ្មុំ ស្រុកទឹកឈូ ខេត្តកំពត។ ចាប់ខ្លួនថ្ងៃទី០៣ ខែមេសា ឆ្នាំ២០១៦ ពីបទឆ្លងដែន ខុសច្បាប់ កាប់ឈើក្រញូង ចូលតាមច្រកអូរស្វាយ ជាប់ពន្ធនាគារ នៅខេត្តស៊ីសាកេត ប្រទេសថៃ។ ទី២-ឈ្មោះ ដុល ចិត្រ ភេទប្រុស អាយុ១៦ឆ្នាំ ភូមិ អូរស្វាយ ឃុំអូរស្វាយ ស្រុកត្រពាំប្រាសាទ ខេត្តឧត្តរមានជ័យ និងទី៣-ឈ្មោះ អាត ម ភេទប្រុស អាយុ ១៦ឆ្នាំ រស់នៅ ភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ទាំងពីរនាក់ ក្រុមទាហានថៃ ចាប់ខ្លួនថ្ងៃទី១៨ ខែតុលា ឆ្នាំ២០១៧ ពីបទឆ្លងដែន ខុសច្បាប់ កាប់ឈើក្រញូង ចូលតាមច្រកអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ជាប់ពន្ធនាគារ នៅខេត្តអូរប៊ុន ប្រទេសថៃ។
បច្ចុប្បន្ន សមត្ថកិច្ចនៅមាត់ច្រកអន្តរជាតិជាំសាង៉ាំ បានធ្វើអប់រំ រួចហើយបានឲ្យវិលត្រឡប់ទៅលំនៅដ្ឋានវិញរៀងខ្លួនវិញ ៕
ចំនួនអ្នកទស្សនា
- ថ្ងៃនេះ10561
- ម្សិលមិញ10851
- សប្តាហ៍នេះ77081
- ខែនេះ192231
- ឆ្នាំនេះ192231
- សរុប20634687