ជិះម៉ូតូបុករ៉ឺម៉ក ពីក្រោយបណ្តាលឲ្យស្លាប់ម្នាក់ របួសមនុស្ស ២នាក់
01-January-2018 | ដោយ ពលមនសិការ
កំពង់ចាម ៖ នៅថ្ងៃអាទិត្យ ១៤រោច ខែបុស្ស ឆ្នាំរកា នព្វស័ក២៥៦១ ត្រូវនឹងថ្ងៃទី៣១ ខែធ្នូ ឆ្នាំ២០១៧ វេលាម៉ោង ២០និង៣០នាទី មានករណីគ្រោះថ្នាក់ចរាចរនៅលើផ្លូវជាតិលេខ៦ ចន្លោះគីឡូម៉ែត្រលេខ៨១-៨២ ភូមិសង្កែ ឃុំស្តើងជ័យ ស្រុកជើងព្រៃ ខេត្តកំពង់ចាម រវាងម៉ូតូម៉ាកសេ១២៥ពាក់ស្លាកលេខកំពង់ធំ ១N-២៥០៧ បើកបរដោយឈ្មោះជួប ស្នេហ៍ ភេទប្រុស អាយុ១៩ឆ្នាំ ទីលំនៅភូមិបឹង ឃុំបឹង ស្រុកបារាយណ៍ ខេត្តកំពង់ធំ(ពាក់មួកសុវត្ថិភាព)បើកពីត្បូងទៅជើងបានបុកម៉ូតូរ៉ឺម៉កពីក្រោយមិនស្គាល់អត្តសញ្ញាណបើកស្របទិសគ្នា។
ករណីនេះបណ្ដាលឲ្យស្លាប់មនុស្សម្នាក់ ភេទប្រុស (អ្នកបើកបរម៉ូតូ C១២៥) នៅនឹងកន្លែងកើតហេតុ, របួសស្រាលមនុស្ស០២នាក់ ភេទប្រុស មូលហេតុម៉ូតូប្រើប្រាស់ល្បឿនលឿនបណ្តាលឲ្យទៅបុកម៉ូតូរ៉ឺម៉កគ្មានភ្លើងបំភ្លឺចំពីក្រោយ ក្រោយពេលកើតហេតុភាគីរ៉ឺម៉កបានបើករត់គេចបាត់។ ចំណែកសាកសពត្រូវបានក្រុមគ្រួសារយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ12921
- ម្សិលមិញ10851
- សប្តាហ៍នេះ79441
- ខែនេះ194591
- ឆ្នាំនេះ194591
- សរុប20637047