មុខសញ្ញាឆក់ទូរស័ព្ទ ២នាក់ត្រូវនគរបាលប៉ុស្តិ៍រដ្ឋបាលភ្នំពេញថ្មីបានឃាត់ខ្លួន
01-January-2018 | ដោយ ពលមនសិការ
ភ្នំពេញ ៖ កាលពីថ្ងៃទី៣១ ខែធ្នូ ឆ្នាំ២០១៧ វេលាម៉ោង១៨និង៣០នាទី កម្លាំងប៉ុស្តិ៍រដ្ឋបាលភ្នំពេញថ្មីបានឃាត់ខ្លួនជនសង្ស័យចំនួន០២នាក់ ករណីលួចមានស្ថានទំងន់ទោស (ឆក់យកទូរស័ព្ទដៃ) នៅចំណុចតាមបណ្តោយផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
លោកវរសនីយ៍ទោ ហួរ ម៉េងវ៉ាង អធិការខណ្ឌសែនសុខបានឲ្យដឹងថាជនសង្ស័យទី១-ឈ្មោះ អ៊ួង ខ្ចៅ ភេទប្រុស អាយុ២៧ឆ្នាំ មុខរបរគ្មាន ស្នាក់នៅភូមិ២ សង្កាត់តាំងក្រសាំង ខណ្ឌពោធិ៍សែនជ័យ (មានសារធាតុញៀន)។ ទី២-ឈ្មោះ ឈៀង ដេវីត ភេទប្រុស អាយុ១៥ឆ្នាំ មុខរបរគ្មាន ស្នាក់នៅភូមិចំការឪឡឹក សង្កាត់កាកាប ខណ្ឌោធិ៍សែនជ័យ (មានសារធាតុញៀន)។
ជនរងគ្រោះ ឈ្មោះ ឡុង សុដានី ភេទស្រី អាយុ២២ឆ្នាំ មុខរបរនិស្សិត ស្នាក់នៅផ្ទះលេខ៥៧ ផ្លូវនរោត្តម សង្កាត់ទន្លេរបាសាក់ ខណ្ឌចំការមន។
សម្ភារៈបន្សល់ទុក៖ ទូរស័ព្ទដៃចំនួនមួយគ្រឿង ម៉ាកអាយហ្វូន(ប្រគល់ឲ្យម្ចាស់វិញ) និងម៉ូតូចំនួនមួយគ្រឿង ម៉ាកសេ១២៥ ពណ៌ខ្មៅ ផលិតឆ្នាំ២០១២ ពាក់ស្លាកលេខភ្នំពេញ1AM-0115 (របស់ជនសង្ស័យ)។
លោកអធិការបន្តថា មុនពេលកើតហេតុ ជនរងគ្រោះបានជិះម៉ូតូរបស់ខ្លួនតាមផ្លូវ៩៨៦ សង្កាត់ភ្នំពេញថ្មី លុះដល់ចំណុចកើត ស្រាប់តែមានជនសង្ស័យចំនួន០២នាក់ ជិះម៉ូតូមួយគ្រឿងឌុបគ្នា មកជិតជនរងគ្រោះរួចធ្វើសកម្មភាពឆក់យកទូរស័ព្ទដៃ ពីជនរងគ្រោះ តែត្រូវជនរងគ្រោះស្រែកថាចោរៗ ភ្លាមនោះកម្លាំងល្បាតប៉ុស្តិ៍រដ្ឋបាលភ្នំពេញថ្មី ឃើញបានធ្វើការដេញតាមឃាត់ខ្លួនជនសង្ស័យបានចំនួន ០២នាក់ រួមទាំងវត្ថុតាង យកមកធ្វើការសាកសួរប៉ុស្តិ៍រដ្ឋបាលភ្នំពេញថ្មី។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនិតិវិធីច្បាប់ ៕
ចំនួនអ្នកទស្សនា
- ថ្ងៃនេះ11281
- ម្សិលមិញ10851
- សប្តាហ៍នេះ77801
- ខែនេះ192951
- ឆ្នាំនេះ192951
- សរុប20635407