មន្ត្រីយោធាម្នាក់ត្រូវរថយន្តបុកខ្ចាតបុកគោយន្តហើយចូលក្រោមរថយន្ត១គ្រឿងទៀតកិនស្លាប់
01-January-2018 | ដោយ ពលមនសិការ
បន្ទាយមានជ័យ ៖ មន្ត្រីយោធា ម្នាក់ត្រូវរថយន្តបុកខ្ចាតបុកគោយន្តហើយចូលក្រោមរថយន្ត១គ្រឿងទៀតកិនស្លាប់នៅវេលាម៉ោង៥និង២០នាទីថ្ងៃទី៣១ ខែធ្នូឆ្នាំ២០១៧ នៅភូមិភ្នៀតសង្កាត់ភ្នៀត ក្រុងសិរីសោភ័ណ។
ជនរងគ្រោះឈ្មោះ ឃឹម នុយ ភេទប្រុស អាយុ៦១ឆ្នាំ(ជាមន្ត្រីយោធាបម្រើការតំបន់ប្រតិបត្តិការសឹករងខេត្តបន្ទាយមានជ័យ) រស់នៅភូមិរំចេក ឃុំស្រះជីក ស្រុកភ្នំស្រុក។
លោកវរសេនីយ៍ឯក គឹម សួគ៌ នាយការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលខេត្តបន្ទាយមានជ័យបានប្រាប់ថា៖នៅពេលដែលគ្រោះថ្នាក់ចរាចរណ៍កើតឡើងគឺជនរងគ្រោះជាមន្ត្រីយោធា តំបន់ប្រតិបត្តិការសឹករងខេត្តបន្ទាយមានជ័យ បានជិះម៉ូតូពីផ្ទះគោលបំណងមកអង្គភាពដែលជិះក្នុងទិសដៅពីកើតមកលិចដល់ចំណុចកើតហេតុមានរថយន្ត មួយគ្រឿងបើកបរក្នុងទិសដៅស្របគ្នាបានបុកជនរងគ្រោះជិះម៉ូតូពេញទំហឹងហើយខ្ទាតទៅបុកនិងគោយយន្តពីក្រោយដែលដឹកស្រូវ បានដួលចូលរថយន្តមួយគ្រឿងទៀតមកស្របទេសគ្នាកិនស្លាប់ភ្លាមៗនិងកន្លែង។
លោកបានបញ្ជាក់ថា៖ក្រោយពេលទទួលព័ត៌មានបានដឹងមន្ត្រីនគរបាលចរាចរណ៍ចុះទៅពិនិត្យឃើញថាជនរងគ្រោះដែលស្លាប់ដោយរថយន្តបុកហើយកិនស្លាប់នេះមិនបានពាក់មួកសុវត្ថិភាពទើបបណ្តាលរថយន្តបុកហើយកិនស្លាប់។ក្រោយពេលវាស់វែងគឺមូលហេតុគ្រោះថ្នាក់ចរាចរណ៍កើតឡើងគឺបណ្តាលមកពីរថយន្តបើកបរលឿនគ្មានការប្រុងប្រយ័ត្នទើបបណ្តាលបុកជនរងគ្រោះស្លាប់ចំណែករថយន្ត២គ្រឿងដែលបង្កបានគេចខ្លួនអស់នៅតែគោយន្តនិងម៉ូតូរងគ្រោះត្រូវបានយកមករក្សាទុកដោះស្រាយគ្នាតាមផ្លូវច្បាប់រថយន្តដែលគេចខ្លួន២គ្រឿងកំពុងស្រាវជ្រាវដើម្បីចាប់មកចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ11401
- ម្សិលមិញ10851
- សប្តាហ៍នេះ77921
- ខែនេះ193071
- ឆ្នាំនេះ193071
- សរុប20635527