កម្លាំងនគរបាលប៉ុស្តិ៍ភ្នំពេញថ្មី ឃាត់ខ្លួនបុរសម្នាក់ពាក់ព័ន្ធករណីលួចម៉ូតូ
02-January-2018 | ដោយ ពលមនសិការ
ភ្នំពេញ ៖ កាលពីថ្ងៃទី០១ ខែមករា ឆ្នាំ២០១៨ វេលាម៉ោង១១និង៣០នាទី កម្លាំងប៉ុស្តិ៍រដ្ឋបាលភ្នំពេញថ្មីបានឃាត់ខ្លួនជនសង្ស័យម្នាក់ពាក់ព័ន្ធករណីអំពើលួច (លួចយកម៉ូតូ) នៅចំណុចមុខផ្ទះលេខ០៩អា ផ្លូវ១៩៥៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ។
លោកវរសេនីយ៍ទោ ហួរ ម៉េងវ៉ាង អធិការខណ្ឌសែនសុខបានឲ្យដឹងថាជនសង្ស័យឈ្មោះ លឹម គង្គា ភេទប្រុស អាយុ២១ឆ្នាំ មុខរបរគ្មាន ស្នាក់នៅបន្ទប់ជួល ភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ (មានសារធាតុញៀន) ។ ជនរងគ្រោះ ឈ្មោះ មិន ចាន់ឌី ភេទប្រុស អាយុ៣០ឆ្នាំ មុខរបរលក់ដូរ ស្នាក់នៅផ្ទះលេខ០៩អា ផ្លូវ១៩៥៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ។
សម្ភារៈបន្សល់ទុក៖ ម៉ូតូមួយគ្រឿង ម៉ាកស្មាស់ ពណ៌ក្រហម ផលិតឆ្នាំ២០១២ ពាក់ស្លាកលេខភ្នំពេញ1BR-8636(ប្រគល់ឲ្យម្ចាស់វិញ)។
លោកអធិការបន្តថា មុនពេលឃាត់ខ្លួនជនសង្ស័យខាងលើ បានជិះម៉ូតូឌុបមកដល់ចំណុចកើតហេតុ បានឃើញម៉ូតូមួយគ្រឿង ទុកនៅមុខផ្ទះ ដោយមានសភាពស្ងប់ស្ងាត់ ជនសង្ស័យបានធ្វើសកម្មភាព ចូលទៅលួចយកម៉ូតូរួចជិះបានចម្ងាយប្រហែល០៥ម៉ែត្រ តែត្រូវជនរងគ្រោះឃើញបានស្រែកថាចោរៗ រួចនាំគ្នាដេញចាប់បានជនសង្ស័យខាងលើយកមកប្រគល់ឲ្យសមត្ថកិច្ចប៉ុស្តិ៍ភ្នំពេញថ្មី និងបានដាក់ពាក្យបណ្តឹងចោទប្រកាន់ជនសង្ស័យតែម្តង។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនិតិវិធីច្បាប់ ៕
ចំនួនអ្នកទស្សនា
- ថ្ងៃនេះ12021
- ម្សិលមិញ10851
- សប្តាហ៍នេះ78541
- ខែនេះ193691
- ឆ្នាំនេះ193691
- សរុប20636147