បើកម៉ូតូខ្វះការប្រុងប្រយ័ត្ន បុកគ្នាបណ្តាលឲ្យរបួសធ្ងន់ម្នាក់ស្រាលម្នាក់
02-January-2018 | ដោយ ពលមនសិការ
ស្វាយរៀង ៖ កាលពីថ្ងៃច័ន្ទ១៥កើត ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០១ ខែមករា ឆ្នាំ២០១៨វេលាម៉ោង១៩និង៣០នាទី នៅចំណុចចន្លោះគីឡូម៉ែត្រ លេខ ១៤៥-១៤៦ ស្ថិតក្នុងភូមិជ្រៃធំ សង្កាត់ព្រៃអង្គុញ ក្រុងបាវិត ខេត្តស្វាយរៀង មានករណីគ្រោះថ្នាក់ ចរាចរណ៍មួយកើតឡើង រវាងម៉ូតូនិងម៉ូតូ ក្នុងទិសដៅស្របទិសគ្នា ពីលិចទៅកើត។
សមត្ថកិច្ចបានឲ្យដឹងថាមុនពេលកើតេហេតុមាន ម៉ូតូមួយគ្រឿងម៉ាកហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ 1FU-9444 អ្នកបើកបរដោយឈ្មោះ ឆោម ចន្ធី ភេទប្រុស អាយុ២០ឆ្នាំ ជនជាតិខ្មែរ មុខរបរបុគ្គលិកកាស៊ីណូ រស់នៅភូមិខេង ឃុំម៉ឺនជ័យ ស្រុករំដួល ខេត្តស្វាយរៀងបណ្តាលឲ្យរងរបួសធ្ងន់ (មានមួកសុវត្ថិភាព មានកញ្ចក់មើលក្រោយ) បើកបរពីលិចទៅកើត លុះមកដល់ចំណុចកើតហេតុ ខាងលើ បានបុកពីក្រោយម៉ូតូមួយគ្រឿងទៀត ម៉ាក ស៊ីទី ពណ៌ក្រហមស្លាកលេខ ស្វ.រ 1B-5702 មានកញ្ចក់មើលក្រោយ គ្មានមួកសុវត្ថិភាព បរដើរដោយឈ្មោះ ពេជ្រ ឃឹម ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិជ្រៃធំ សង្កាត់ព្រៃអង្គុញក្រុងបាវិត ខេត្តស្វាយរៀង បរដើរពីលិចទៅកើតបណ្តាលអោយរងរបួសស្រាល។ មូលហេតុៈ ម៉ូតូម៉ាកហុងដាសេ១២៥ បើកបរក្នុងល្បឿនលឿន ។
បច្ចុប្បន្នជនរងគ្រោះ ត្រូវបានបញ្ជួនទៅព្យាបាលនៅមន្ទីរពេទ្យខេត្តស្វាយរៀង។ មធ្យោបាយទាំង០២គ្រឿង ខូចខាតធ្ងន់សមត្ថកិច្ចយើង យកមករក្សាទុកនៅប៉ុស្តិ៍នគរបាលរដ្ឋបាលព្រៃអង្គុញជាបណ្តោះអាសន្ន ដើម្បីកសាងសុំណុំរឿង ចាត់ការបន្ត ៕
ចំនួនអ្នកទស្សនា
- ថ្ងៃនេះ11931
- ម្សិលមិញ10851
- សប្តាហ៍នេះ78451
- ខែនេះ193601
- ឆ្នាំនេះ193601
- សរុប20636057