បុរសម្នាក់ខឹងឪពុកម្តាយស្តីបន្ទោសបន្តិចបន្តួចរត់ ទៅចងកសម្លាប់ខ្លួន
03-January-2018 | ដោយ ពលមនសិការ
ពោធិ៍សាត់ ៖ ជនរងគ្រោះឈ្មោះ ឆេង សុខឃី ភេទប្រុសអាយុ២៤ឆ្នាំ បានយកខ្សែនីឡុងរត់ទៅចងកសម្លាប់ខ្លួននៅចំណុចដើមស្វាយក្បែររបងវត្តពោធិ៍ ស្ថិតក្នុងភូមិព្រែកតាវង ឃុំអន្លង់វិល ស្រុកកណ្តៀង ខេត្តពោធិ៍សាត់ បណ្តាលឱ្យស្លាប់ ឧបទ្ទវហេតុនេះកើតឡើងនៅវេលាម៉ោង១៤និង៣០នាទីថ្ងៃអង្គារ២រោជ ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២ ខែ មករាឆ្នាំ ២០១៨។
ប្រភពព័ត៌មានបានឲ្យដឹងថា មុនពេលកើតហេតុជនរងគ្រោះឆេង សុខឃី ត្រូវបានឪពុកម្តាយស្តីបន្ទោសបន្តិចបន្ទួច ខណៈនោះជនរងគ្រោះបានខឹងតមាត់ជាមួយឪពុកម្តាយ ក្រោយមកក៏មានការស្ងាត់ស្ងៀមទៅវិញ អ្នកស្រុកនឹកស្មានថាគ្មានរឿងអ្វីកើតឡើង មួយសន្ទុះក្រោយមក ម៉ោងប្រមាណជា១និង៣០នាទីនាថ្ងៃដដែលអ្នកស្រុកប្រទះឃើញបុរសម្នាក់ចងកសម្លាប់ខ្លួនជាប់និងដើមស្វាយក្បែររបងវត្តក៏មានការភ្ញាក់ផ្អើលដល់ក្រុមគ្រួសារនិងសមត្ថកិច្ចចុះពិនិត្យកន្លែងកើតហេតុឃើញជនរងគ្រោះចងកសម្លាប់ខ្លួនស្លាប់មែន។
សមត្ថកិច្ចនគរបាលមូលដ្ឋានបានឱ្យដឹងថា តាមការសន្និដ្ឋានករណីចងកសម្លាប់ខ្លួននេះជនរងគ្រោះបានឡើងលើរបងវត្តរួចយកខ្សែចងក ក៏លោតទំលាក់ខ្លួនចុះមកក្រោមបណ្តាលឱ្យស្លាប់តែម្តង។ ក្រោយពេលពិនិត្យធ្វើកោសល្យវិច្ឆ័យលើសាកសពជនរងគ្រោះពិតជាបានស្លាប់ដោយករណីចងកសម្លាប់ខ្លួនឯងពិតមែន ៕
ចំនួនអ្នកទស្សនា
- ថ្ងៃនេះ12331
- ម្សិលមិញ10851
- សប្តាហ៍នេះ78851
- ខែនេះ194001
- ឆ្នាំនេះ194001
- សរុប20636457