មុខសញ្ញាជួញដូរគ្រឿងញៀន ៥នាក់ត្រូវនគរបាលឃាត់ខ្លួន
03-January-2018 | ដោយ ពលមនសិការ
ភ្នំពេញ ៖ នៅថ្ងៃអង្គារ ១រោជ ខែបុស្ស ឆ្នាំរកា ព.ស ២៥៦១ ត្រូវថ្ងៃទី០២ ខែមករា ឆ្នាំ២០១៨ វេលាម៉ោង ១០និង៣០នាទី កម្លាំងជំនាញអធិការដ្ឋាននគរបាលស្រុកសំរោងទង បានឃាត់មុខសញ្ញាជួញដូរគ្រឿងញៀនម្នាក់ ឈ្មោះ គ្រួច វិច្ឆ័យ ភេទប្រុស អាយុ១៧ឆ្នាំ នៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ នៅចំណុចផ្លូវចូលកន្លែងវាយ កូនហ្គោល ស្ថិតនៅក្នុងភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ។
ដកហូតបានវត្ថុតាងៈ គ្រឿងញៀនប្រភេទម៉ាទឹកកក ចំនួន មួយកញ្ចប់តូច មធ្យោបាយម៉ូតូ មួយគ្រឿង និងទូរស័ព្ទដៃ មួយគ្រឿង។
បន្តធ្វើការឃាត់ខ្លួនមុខសញ្ញា ២នាក់ទៀត ទី១-ឈ្មោះ អ៊ួច សាវុទ្ឋ ភេទប្រុស អាយុ៣២ឆ្នាំ ស្នាក់នៅផ្ទះជួលភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ ទី២-ឈ្មោះ ហួន ផានិត (រ៉ែង) ភេទប្រុស អាយុ២៧ឆ្នាំ នៅភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ នៅក្នុងបន្ទប់ផ្ទះជួលភូមិខាងលើ និងធ្វើការឆែកឆេរ រកឃើញវត្ថុតាងគ្រឿងញៀន ប្រភេទម៉ាទឹកកក ចំនួន ៤កញ្ចប់ (មធ្យម ២កញ្ចប់ ) ម៉ូតូ ចំនួន ១គ្រឿង ទូរស័ព្ទដៃ ១គ្រឿង និងឧបករណ៌សំរាប់ប្រើប្រាស់គ្រឿងញៀនមួយចំនួន។ លុះដល់ម៉ោង ១៤ និង ៣០នាទី បានឃាត់មុខជួញដូរគ្រឿងញៀនចំនួន ២នាក់៖ ទី១-ឈ្មោះ ទឹម ចាន់ ភេទប្រុស អាយុ ១៩ឆ្នាំ នៅភូមិទ្រា ឃុំព្នាយ ស្រុកសំរោងទង ទី២-ឈ្មោះ ចក់ សៅ ភេទប្រុស អាយុ ១៨ឆ្នាំ ភូមិព្រៃសំបុក ឃុំព្នាយ ស្រុកសំរោងទង នៅចំណុវខាងជើងភូមិអង្គរជា ឃុំព្នាយ ដកហូតបានម្សៅក្រាមពណ៍សសង្ស័យជាគ្រឿងញៀនចំនួន ១កញ្ចប់មធ្យម ទូរស័ព្ទដៃ ១គ្រឿង ដាវ ១ និងម៉ូតូ ១គ្រឿង ។
សរុបមនុស្ស ៥នាក់ប្រុស គ្រឿងញៀនចំនួន ៦កញ្ចប់ ( ៣កញ្ចប់មធ្យម ) ទូរស័ព្ទដៃ ៣គ្រឿង ដាវ ១ និងម៉ូតូ ៣គ្រឿង ។
បច្ចុប្បន្នមុខសញ្ញា និងវត្ថុតាង ត្រូវបានកសាងសំណុំរឿង បញ្ជូនទៅជំនាញការិយាល័យប្រឆាំងគ្រឿងញៀនខេត្តចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ12431
- ម្សិលមិញ10851
- សប្តាហ៍នេះ78951
- ខែនេះ194101
- ឆ្នាំនេះ194101
- សរុប20636557