អ្នកគ្រប់គ្រងបុគ្គលិក រោងចក្រ៧៧៧ នៅស្ទឹងហាវ លួចដែករបស់ក្រុមហ៊ុន
03-January-2018 | ដោយ ពលមនសិការ
ព្រះសីហនុ ៖ ជនសង្ស័យម្នាក់ដែលជាជនជាតិចិន ត្រូវបានកម្លាំងនគរបាលឃាត់ខ្លួនពាក់ព័ន្ធ រំលោភលើសេចក្តីទុកចិត្តនៅថ្ងៃទី២ ខែមករា ឆ្នាំ២០១៨ ស្ថិតនៅចំណុចរោងចក្រចម្រាញ់ប្រេង៧៧៧ នៅក្រុមទី១ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ។
សមត្ថកិច្ចបានឲ្យដឹងថាជនសង្ស័យឈ្មោះ មី ហឺសៀ (ME GESE XIES) ភេទប្រុស អាយុ៥៨ឆ្នាំ ជនជាតិចិនមុខរបរអ្នកគ្រប់គ្រងបុគ្គលិក មានស្រុកកំណើតភូមិលេខ៥ ឃុំម៉ុងជៀនចឹ ស្រុកលួយ៉ាងស៊ឺ ខេត្តហឺណាន ប្រទេសចិន។ បានរំលោភលើសេចក្ដីទុកចិត្ដ លួចយកដែកបន្ទះរបស់ក្រុមហ៊ុន៧៧៧ចំនួន ២៥សន្លឹក មានសណ្ឋានដូចខាងក្រោម៖ ដែកបន្ទះ ទំហំ៦លីX១,៥ម៉ែត្រX៦ម៉ែត្រ ចំនួន១២សន្លឹក, ដែកបន្ទះ១០លីX២ម៉ែត្រX៦ម៉ែត្រ ចំនួន១៣សន្លឹក មធ្យោបាយប្រព្រឹត្តបទល្មើស មានរថយន្តធុនធំ ចំនួន២គ្រឿង គឺ៖ ម៉ាកហ៊ីយ៉ាន់ដាយ ចំណុះ ២,៥តោនពណ៌ស ប្រភេទឡានស្ទូចពាក់ស្លាកលេខ ភ្នំពេញ 3B-1217 មួយគ្រឿង និងមួយគ្រឿងទៀត ម៉ាកហ៊ីយ៉ាន់ដាយដូចគ្នាទម្ងន់២,៥ តោន ពណ៌ខៀវពាក់ស្លាកលេខ ភ.ព3.ត0106។ បច្ចុប្បន្នសមត្ថកិច្ច កំពុងកសាងសំណុំរឿង តាមនីតិវិធី ៕
ចំនួនអ្នកទស្សនា
- ថ្ងៃនេះ11601
- ម្សិលមិញ10851
- សប្តាហ៍នេះ78121
- ខែនេះ193271
- ឆ្នាំនេះ193271
- សរុប20635727