ទីតាំងភ្នាល់បាល់តាមប្រព័ន្ធ Online មួយកន្លែងត្រូវសមត្ថកិច្ចបង្ក្រាបនិងឃាត់ខ្លួនមនុស្ស ៦នាក់
04-January-2018 | ដោយ ពលមនសិការ
ភ្នំពេញ ៖ ទីតាំងភ្នាល់បាល់តាមប្រព័ន្ធអ៊ីនធើណិត Online មួយកន្លែងត្រូវបានកម្លាំងនគរបាលប៉ុស្ដិ៍នគរបាលរដ្ឋបាលជ្រោយចង្វារបានសហការជាមួយកម្លាំងសមត្ថកិច្ចនាយកដ្ឋានប្រឆាំងបទល្មើសល្បែង ពាណិជ្ជកម្ម ចុះបង្ក្រាបកាលពីថ្ងៃទី០៣ ខែមករា ឆ្នាំ២០១៨ នៅចំណុច ផ្ទះលេខV27A ផ្លូវ55CV ភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ដោយបានការអនុញ្ញាតពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញនិងលោកលោក ស៊ាង ហៃ ក្រឡាបញ្ជីព្រះរាជអាជ្ញារង។
លោកវរសេនីយ៍ឯក សៀម សុត្ថាវុធ អធិការខណ្ឌជ្រោយចង្វារបានឲ្យដឹងថាក្នុងប្រតិបត្តិការខាងលើសមត្ថកិច្ចបានឃាត់ខ្លួនមនុស្ស៤នាក់រួមមានទី១-ឈ្មោះពូន សុខលីតា ភេទស្រី, ទី២- ឈ្មោះ ពូន សុខរស្សា ភេទស្រី, ទី៣- ឈ្មោះ ជួន ណាលីន ភេទស្រី និងទី៤- ឈ្មោះសូ បញ្ញា ភេទស្រីកំពុងអង្គុយលេងនៅមុខកុំព្យូទ័របើកលេងល្បែងស៊ីសងខុសច្បាប់។
វត្ថុតាងដកហូតរួមមាន៖ កុំព្យូទ័រចំនួន០៣គ្រឿង(កំពុងដំណើរការ), លេបផបចំនួនមួយគ្រឿង, ម៉ាស៊ីនព្រីនចំនួនមួយគ្រឿង, ទូរស័ព្ទដៃចំនួន១៣គ្រឿង, Iphone5 ចំនួន០៤គ្រឿង, Iphone6 plusចំនួនមួយគ្រឿង, Iphone7 ចំនួនមួយគ្រឿង, Nokia ចំនួន០៣គ្រឿង, Oppoចំនួន០៣គ្រឿង។
បន្ទាប់មកនៅវេលាម៉ោង១៩និង៤០នាទី កម្លាំងខាងលើក៏បានចុះមកឆែកឆេរនៅចំណុចខុនដូ កាឡាក់ស៊ី រ៉េស៊ីដឺន ផ្លូវជាតិលេខ៦ ភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ក៏បានឃាត់ខ្លួនបាន០២នាក់បន្ថែមទៀតរួមមានទី១- ឈ្មោះ Lee leang kiat និងទី២- ឈ្មោះYen chun wat ជនជាតិ MALAYSIA ដែលជាប់ពាក់ព័ន្ធបទល្មើសខាងលើតាមការចង្អុលបង្ហាញរបស់ឈ្មោះ ពូន សុខលីតា ហើយបានធ្វើការដកហូត៖ laptopចំនួន០២គ្រឿង សៀវភៅរបៀបមើលគេហទំព័រមួយចំនួន, ប្រាក់ដុល្លារចំនួន១១៨៧៩ដុល្លារ ជារបស់ឈ្មោះLee Leang kiatទូរស័ព្ទចំនួន០៣គ្រឿង(Iphone6ចំនួនមួយគ្រឿង, Iphone7 មួយគ្រឿង និង motolaចំនួនមួយគ្រឿង) laptop Ganerចំនួនមួយគ្រឿង, ប្រាក់ដុល្លារ១៨៨ដុល្លារ (ជារបស់ឈ្មោះYen Chun wat)សម្ភារខាងលើបានប្រគល់អោយនាយកដ្ឋានប្រឆាំងបទល្មើសល្បែងពាណិជ្ជកម្ម ៕
ចំនួនអ្នកទស្សនា
- ថ្ងៃនេះ11671
- ម្សិលមិញ10851
- សប្តាហ៍នេះ78191
- ខែនេះ193341
- ឆ្នាំនេះ193341
- សរុប20635797