ក្មេងទំនើង១ក្រុមអុកឡុកក្នុងពិធីអាពាហ៍ពិពាហ៍អ្នកស្រុក ត្រូវសមត្ថកិច្ចធ្វើការអប់រំតាមវិធានការរដ្ឋបាល
05-January-2018 | ដោយ ពលមនសិការ
ពោធិ៍សាត់ ៖ ក្មេងទំនើងមួយក្រុមមានគ្នា៣នាក់ ដែលធ្វើសកម្មភាពអុកឡុកពេលរាំធុងបាស់ក្នុងពិធីអាពាហ៍ពិពាហ៍កូនអ្នកស្រុក ត្រូវបានកម្លាំងសមត្ថកិច្ចនគរបាលប៉ុស្តិ៍រដ្ឋបាលរកាតបានសហការជាមួយកម្លាំងអធិការដ្ឋានគរបាលស្រុកភ្នំក្រវាញបង្ក្រាប កាលពីថ្ងៃទី០៥ ខែមករា ឆ្នាំ២០១៨ វេលាម៉ោង១០និង ៣០នាទី នៅភូមិព្រៃខ្លុង ឃុំរកាត ស្រុកភ្នំក្រវាញ ខេត្តពោធិ៍សាត់។
លោកវរសេនីយ៍ត្រី តាន់ គារិទ្ធ អធិការនគរបាលស្រុកភ្នំក្រវាញបានឲ្យដឹងថា ក្មេងទំនើង៣នាក់នេះមានឈ្មោះទី១-ឈ្មោះ ចុច វ៉ាន់នី ភេទប្រុស អាយុ២៣ឆ្នាំ រស់នៅភូមិ វាលវង់ ឃុំ រកាត មាន កាន់ដាវ ១ដើម ទី២-ឈ្មោះ លន់ សុខលឿន ភេទប្រុស អាយុ២៣ឆ្នាំ រស់នៅភូមិឃុំជាមួយគ្នា មានកាន់ដាវ ១ដើម និងទី៣-ឈ្មោះ ចុច សុខជីន ភេទ ប្រុស អាយុ ២៥ ឆ្នាំ រស់នៅភូមិ ឃុំជាមួយឃុំគ្នា មានកាន់កាំបិត កកុក ០១ ដើម។ ក្រោយពីធ្វើការចាប់ខ្លួនក្មេងទំនើងទាំងនេះត្រូងបានសមត្ថកិច្ចអនុវត្តតាមវិធានការរដ្ឋបាលអប់លើកទី១ និងឲ្យអាណាព្យាបាលមកធានាឲ្យវិលទៅលំនៅដ្ឋានវិញដើម្បីអប់រំពួកគេបន្ថែម រីឯវត្ថុតាងបានរក្សាទុកនៅអធិការដ្ឋាននគរបាលស្រុកភ្នំក្រវាញ ៕
ចំនួនអ្នកទស្សនា
- ថ្ងៃនេះ12211
- ម្សិលមិញ10851
- សប្តាហ៍នេះ78731
- ខែនេះ193881
- ឆ្នាំនេះ193881
- សរុប20636337