ស្រវឹងបើករថយន្តបុក គោយន្តកន្ត្រៃ បណ្តាលឲ្យមនុស្សរងរបួសធ្ងន់ស្រាល៤នាក់
08-January-2018 | ដោយ ពលមនសិការ
ឧត្តរមានជ័យ ៖ គ្រោះថ្នាក់ចរាចរណ៍មួយបានកើតឡើងក្នុងទិសដៅបញ្ច្រាសគ្នារវាងរថយន្តបុកជាមួយគោយន្តកន្ត្រៃបណ្តាលឲ្យមនុស្សរងរបួសធ្ងន់ស្រាល៤នាក់ កាលពីថ្ងៃទី០៧ ខែមករា ឆ្នាំ២០១៨ វេលាម៉ោង ២១និង២០នាទី នៅចំណុចផ្លូវលំខាងជើងវត្តបុស្បូវដែលស្ថិតក្នុង ភូមិបុស្បូវ សង្កាត់បុស្បូវ ក្រុងសំរោង ខេត្តឧត្តរមានជ័យ។
មន្ត្រីនគរបាលខេត្តឧត្តរមានជ័យបានឲ្យដឹងថារថយន្តបង្កម៉ាកកាម៉ារី ពណ៌សំបកឪឡឹក ពាក់ស្លាកលេខ ភ្នំពេញ 2C- 3808 បើកបរដោយឈ្មោះ ភិម រឿន ភេទប្រុស អាយុ ៤៣ឆ្នាំ មានទីលំនៅ ភូមិកណ្តែក សង្កាត់សំរោង ក្រុងសំរោង បើកបរពីត្បូងទៅជើង មិនបណ្តាលអោយរងរបួសនោះទេ ពេលមកដល់កន្លែងកើតហេតុបានបុកជាមួយ គោយន្តកន្ត្រៃបើកបរដោយ ឈ្មោះ ប៉ា ទិក ភេទប្រុស អាយុ ៣៨ឆ្នាំ (របួសស្រាល) និងអ្នករួមដំណើរ២នាក់ទៀតរួមមានទី១-ឈ្មោះ អ៊ិក ភេទប្រុស អាយុ៤០ឆ្នាំ (របួសធ្ងន់) ទី២- ឈ្មោះ លំ ជិន ភេទស្រី អាយុរ ៣៤ឆ្នាំ (របួសស្រាល) អ្នកទាំង ០៣នាក់ រស់នៅភូមិ ក្រសាំង សង្កាត់បុស្បូវ ក្រុងសំរោង ខេត្តឧត្តរមានជ័យ។
ក្រោយកើតហេតុ កម្លាំងជំនាញបានបញ្ជូនជនរងគ្រោះទៅមន្ទីពេទ្យខេត្ត។ មូលហេតុ រថយន្តបើកបរក្នុងស្ថានភាពស្រវឹង បើក ជែងលើសិទ្ធអទិភាព។ ចំណែកវត្ថុតាងយកមក រក្សាទុកនៅអធិការដ្ឋាននគរបាលក្រុងសំរោង រងចាំការដោះស្រាយគ្នាទៅតាមនិតិវិធី ៕
ចំនួនអ្នកទស្សនា
- ថ្ងៃនេះ101
- ម្សិលមិញ12921
- សប្តាហ៍នេះ101
- ខែនេះ194701
- ឆ្នាំនេះ194701
- សរុប20637157