ជនសង្ស័យ៤នាក់ស្រវឹងស្រា ប្រើហិង្សាមកលើសមត្ថកិច្ចត្រូវឃាត់ខ្លួន
09-January-2018 | ដោយ ពលមនសិការ
ភ្នំពេញ ៖ ជនសង្ស័យ៤នាក់ត្រូវបានកម្លាំងប៉ុស្តិ៍រដ្ឋបាលភ្នំពេញថ្មី ឃាត់ខ្លួនពាក់ព័ន្ធករណីហិង្សាដោយចេតនា (ប្រើដៃវាយមកលើសមត្ថកិច្ចបណ្តាឲ្យរបួស) កាលពីយប់ថ្ងៃទី០៨ ខែមករា ឆ្នាំ២០១៨ នៅចំណុចមុខហាងស៊ុភើស្ត័រ ផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
លោកវរសេនីយ៍ទោ ហួរ ម៉េងវ៉ាង អធិការខណ្ឌសែនសុខបានឲ្យដឹងថា ជនសង្ស័យទី១-ឈ្មោះ ម៉ៅ ឃីត ភេទប្រុស អាយុ១៩ឆ្នាំ ជនជាតិខ្មែរ មុខរបរសន្តិសុខPCS ស្នាក់នៅបន្ទប់ជួល ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ទី២-ឈ្មោះ ដុំ ចំរើន ភេទប្រុស អាយុ២៦ឆ្នាំ ជនជាតិខ្មែរ មុខរបរសន្តិសុខPCS ស្នាក់នៅសង្កាត់បឹងកក់២ ខណ្ឌទួល ទី៣-ឈ្មោះ ស៊ុំ នីមើត ភេទប្រុស អាយុ២៥ឆ្នាំ ជនជាតិខ្មែរ មុខរបរសន្តិសុខMPA ស្នាក់នៅបន្ទប់ជួល សង្កាត់ទួលសង្កែ ខណ្ឌឫស្សីកែវ និងទី៤-ឈ្មោះ ដុំ ម៉ាលី ភេទប្រុស អាយុ៣៤ឆ្នាំ ជនជាតិខ្មែរ មុខរបរចុងភៅ ស្នាក់នៅបន្ទប់ជួល សង្កាត់ព្រែកលៀប ខណ្ឌជ្រោយចង្វា។
លោកអធិការបន្តថាមុនពេលកើតហេតុ កម្លាំងអធិការដ្ឋាននគរបាលខណ្ឌសែនសុខ បានដាក់គោលដៅត្រួតពិនិត្យ ជាតិអាល់កុល នៅចំណុចខាងលើ ឃើញក្រុមជនសង្ស័យទាំង០៤នាក់ ដើរតាមផ្លូវ ក្នុងស្ថានភាពស្រវឹង ហើយបានហៅជនសង្ស័យ ឲ្យឈប់ធ្វើណែនាំនិងត្រួតពិនត្យជាតិអាល់កុល ស្រាប់តែក្រុមជនសង្ស័យទាំង០៤នាក់ បានប្រើដៃវាយមកលើសមត្ថកិច្ចយើងកំពុងប្រតិបត្តិការ។ បន្ទាប់មកសមត្ថកិច្ចបានយើងធ្វើការឃាត់ខ្លួនជនសង្ស័យ យកមកធ្វើការសាកសួរនៅអធិការដ្ឋាននគរបាលខណ្ឌសែនសុខ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីច្បាប់ ៕
ចំនួនអ្នកទស្សនា
- ថ្ងៃនេះ11
- ម្សិលមិញ12921
- សប្តាហ៍នេះ11
- ខែនេះ194611
- ឆ្នាំនេះ194611
- សរុប20637067