របួសធ្ងន់ស្រាល៦នាក់ ក្នុងករណីគ្រោះថ្នាក់ចរាចរណ៍រវាងម៉ូតូបុកជាមួយម៉ូតូ
09-January-2018 | ដោយ ពលមនសិការ
ឧត្តរមានជ័យ ៖ គ្រោះថ្នាក់ចរាចរណ៍រវាងម៉ូតូនិងម៉ូតូ ក្នុងទិសដៅបញ្ច្រាសទិសគ្នា នៅភូមិឈើក្រម សង្កាត់កូនក្រៀល ក្រុងសំរោង ខេត្តឧត្ដរមានជ័យ បណ្ដាលឲ្យមនុស្ស៦នាក់រងរបួសធ្ងន់ស្រាល នៅថ្ងៃអង្គារ ៨រោច ខែបុស្ស ឆ្នាំរកា នព្វស័ក ពុទ្ធសករាជ ត្រូវនិងថ្ងៃទី០៩ ខែមករា ឆ្នាំ២០១៨ វេលាម៉ោង ៤និង៤២នាទីទៀបភ្លី។
សមត្ថកិច្ចបានឲ្យដឹងថាជនរងគ្រោះទី១-ឈ្មោះ ដាំ រតនៈ ភេទប្រុស អាយុ ១៥ ឆ្នាំ មុខរបរសិស្ស (របួសធ្ងន់) មិនពាក់មួកសុវត្ថិភាព ទី២-ឈ្មោះ ដាំ វិច្ឆិកា ភេទប្រុស អាយុ០៩ឆ្នាំ មុខរបរសិស្ស (របួសធ្ងន់) មិនពាក់មួកសុវត្ថិភាព អ្នកទាំងពីរនៅ ភូមិបុស្ស សង្កាត់កូនក្រៀល ក្រុងសំរោង ក្រុងសំរោង ខេត្តឧត្តរមានជ័យ ទី៣- ឈ្មោះ ឈុំ ឆុម ភេទប្រុស អាយុ ៥៤ ឆ្នាំ ភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ ( របួសធ្ងន់) មិនពាក់មួកសុវត្ថិភាព ទី៤- ឈ្មោះ ម៉ុត មួន ភេទប្រុស អាយុ ២២ ឆ្នាំ (របួសធ្ងន់) មិនពាក់មួកសុវត្ថិភាព ទី៥- ឈ្មោះ ឡូ លៀម ភេទប្រុស អាយុ ២២ ឆ្នាំ (របួសស្រាល) មិនពាក់មួកសុវត្ថិភាព អ្នកទាំង៣នាក់នៅភូមិឈើក្រម សង្កាត់កូនក្រៀល ក្រុងសំរោង ខេត្តឧត្តរមានជ័យ
និងទី៦- ឈ្មោះ ក្តី ភេទប្រុស អាយុ ២៥ ឆ្នាំ នៅស្រុកបន្ទាយឆ្មារ ខេត្តបន្ទាយមានជ័យ (របួសស្រាល)មិនពាក់មួកសុវត្ថិភាព អ្នកទាំង៤នាក់ មុខរបរកម្មករ។
ក្រោយកើតហេតុអ្នករបួសត្រូវបានកម្លាំងជំនាញបញ្ជូនទៅសង្គ្រោះបន្ទាន់ ចំណែកមធ្យោបាយពាក់ព័ន្ធត្រូវបានកម្លាំងជំនាញយកទៅរក្សាទុកដើម្បីដោះស្រាយតាមនីតិវិធី ៕
ចំនួនអ្នកទស្សនា
- ថ្ងៃនេះ121
- ម្សិលមិញ12921
- សប្តាហ៍នេះ121
- ខែនេះ194721
- ឆ្នាំនេះ194721
- សរុប20637177