រថយន្តអង្គភាពវរៈលេខ២១០ វ៉ាជែងមិនប្រយ័ត្នក្រឡាប់ខ្លួនឯងបណ្តាលឲ្យរបួសធ្ងន់ស្រាល ៤នាក់
09-January-2018 | ដោយ ពលមនសិការ
កំពង់ស្ពឺ ៖ មនុស្ស៤នាក់បានរងរបួសធ្ងន់ស្រាលក្នុងករណីគ្រោះថ្នាក់ចរាចរណ៍ រថយន្តវ៉ាប្រជែងគ្នាស្របទិសពីជើង ទៅត្បូងក្រឡាប់។ ហេតុការណ៍គ្រោះថ្នាក់ខាងលើបានកើតឡើងនៅព្រឹកថ្ងៃទី០៩ ខែមករា ឆ្នាំ២០១៨ ស្ថិតនៅលើផ្លូវលេខ៤១ ចន្លោះគីឡូម៉ែត្រលេខ១៧-១៨ ភូមិខ្លែពណ៌ខាង ឃុំព្រៃញាតិ ស្រុកគងពិសី ខេត្តកំពង់ស្ពឺ។
លោកឧត្តមសេនីយ៍ត្រី តាប់ លន ស្នងការរងខេត្តកំពង់ស្ពឺបានឲ្យដឹងថាមុនពេលកើតហេតុមានរថយន្តមួយគ្រឿងម៉ាក
វីហ្គោពណ៌ស ពាក់ស្លាកលេខខេមរភូមិន្ទ 2-2-8916 បើកដោយឈ្មោះ ផាន់ មករា (របួសធ្ងន់) អាយុ៣០ឆ្នាំ បម្រើការនៅអង្គភាពវរៈលេខ២១០ ឈរជើងនៅក្រុងតាខ្មៅខេត្តកណ្ដាល ក្នុងរថយន្តមានគ្នា៤នាក់។
លោកស្នងការរងបន្តថាជនរងគ្រោះទី១-ឈ្មោះ ផាន់ សទីន អាយុ២៨ឆ្នាំ ភេទប្រុស (របួសធ្ងន់), ទី២-ឈ្មោះ ឆែម ឆៃយ៉ា អាយុ២៨ឆ្នាំ ភេទប្រុស (របួសស្រាល), ទី៣-ឈ្មោះ នាង លីហ្សា អាយុ២៨ឆ្នាំ ភេទប្រុស (របួសស្រាល) នៅអង្គភាពជាមួយគ្នា បើកពីជើងទៅត្បូងដល់ចំណុចកើតហេតុខាងលើ បានវ៉ាជែងរថយន្តម៉ាកវ៉យវ៉ូក្បាលស ទ្រុងខៀវ ពាក់ស្លាកលេខព្រះសីហនុ 3A-1489 បើកដោយឈ្មោះផល រុំ អាយុ៥០ឆ្នាំ ភេទប្រុស នៅភូមិដីកំពត ឃុំដីកំពតស្រុក/ខេត្តព្រៃវែង បើកពីជើងទៅត្បូង បណ្ដាលអោយរថយន្តម៉ាកវីហ្គោក្រឡាប់ខ្លួនឯង រងរបួសមនុស្ស៤នាក់ប្រុសធ្ងន់២។
ក្រោយកើតហេតុបានយកមធ្យោបាយពាក់ព័ន្ធមករក្សាទុកនៅអធិការដ្ឋាននគរបាលស្រុក។ ចំណែករថយន្តម៉ាកវ៉យវ៉ូមិនមានស្នាមប៉ះទង្គិចជាមួយរថយន្តម្ខាងទៀតឡើយសមត្ថកិចយើងបានឃាត់ទុករថយន្តម៉ាកវ៉យវ៉ូជាបណ្ដោះអាសន្ននៅអធិការដ្ឋាននគរបាលស្រុកគងពិសីដើម្បើសាវជ្រាវ។
យោងតាមការពិនិត្យកន្លែងកើតហេតុនឹងប្រជាពលរដ្ឋនិយាយតៗគ្នាថារថយន្តវីហ្គោបើកក្នុងល្បឿនលឿនក្រឡាប់ខ្លួនឯងគ្មានពាក់ព័ន្ធជាមួយរថយន្តផ្សេងឡើយ ៕
ចំនួនអ្នកទស្សនា
- ថ្ងៃនេះ921
- ម្សិលមិញ12921
- សប្តាហ៍នេះ921
- ខែនេះ195521
- ឆ្នាំនេះ195521
- សរុប20637977