ប័ណ្ណព្រំដែនកម្ពុជា-ថៃធ្វើបានតែប្រជាពលរដ្ឋខេត្តជាប់ជាយដែនថៃតែប្រជាពលរដ្ឋខេត្តដទៃសុំមានសិទ្ធធ្វើដូចគ្នាដើម្បីជីវភាពគ្រួសារ
11-January-2018 | ដោយ ពលមនសិការ
បន្ទាយមានជ័យ ៖ ប័ណ្ណព្រំដែនកម្ពុជា-ថៃធ្វើបានតែប្រជាពលរដ្ឋខេត្តជាប់ជាយដែនថៃតែប្រជាពលរដ្ឋខេត្តដទៃសុំមានសិទ្ធធ្វើដូចគ្នាដើម្បីជីវភាពគ្រួសារមានខ្លះដេកចាំធ្វើជាច្រើនថ្ងៃមិនទាន់បានបណ្ណ។
ជាក់ស្តែងនៅព្រឹកថ្ងៃទី១១ ខែមករា ឆ្នាំ២០១៨នេះ ឃើញមានប្រជាពលរដ្ឋប្រមាណជា១៥ទៅ២០នាក់ រងចាំធ្វើប័ណ្ណព្រំដែនកម្ពុជា-ថៃនៅមុខសាលាខេត្តបន្ទាយមានជ័យខ្លះចងអង្រឹងដេកចាំនិងមានអីវ៉ានពួកគាត់ប្រាប់ថា មករងចាំធ្វើបណ្ណព្រំដែនកម្ពុជា-ថៃនេះខ្លះជិត១សប្តាហ៍មកហើយដែលភាគច្រើនអ្នកនៅខេត្តឆ្ងាយមករងចាំធ្វើដើម្បីបន្តដំណើរទៅធ្វើការងារប្រទេសថៃ។
ប្រជាពលរដ្ឋដែលរងចាំបានសូមណូមពរសុំឲ្យរាជរដ្ឋាភិបាល ឬក្រសួងជំនាញមេត្តាអនុញ្ញាតិឲ្យប្រជាពលរដ្ឋខេត្តដទៃធ្វើប័ណ្ណព្រំដែនកម្ពុជា-ថៃដើម្បីឲ្យប្រជាពលរដ្ឋមានសិទ្ធទៅរកការងារធ្វើប្រទេសថៃដោយស្របច្បាប់សម្រាប់ជីវភាពរស់នៅរបស់ប្រជាពលរដ្ឋដូចប្រជាពលរដ្ឋខេត្តជាប់ជាយដែន។
សុំសម្រួលដល់ប្រជាពលរដ្ឋស្នាក់នៅខេត្តបន្ទាយមានជ័យមានសិទ្ធធ្វើតែរត់ទៅចម្លងសំបុត្រកំណើតនៅស្រុក-ខេត្តដទៃដែលជួបការលំបាកនិងអស់សាហុយច្រើនសុំតែថតចម្លងសំបុត្រកំណើតជាការសម្រួលប្រជាពលរដ្ឋស្នាក់នៅខេត្តបន្ទាយមានជ័យមានសំបុត្រកំណើតខេត្តដទៃ។
លោក ជា សេងអាន នាយករដ្ឋបាលសាលាខេត្តបន្ទាយមានជ័យបានប្រាប់ថា ប័ណ្ណព្រំដែនកម្ពុជា-ថៃ(CAMBODIA.THAILAND BORDERPASS)នេះគឺរាជរដ្ឋាភិបាលកម្ពុជាដែលក្រសួងមហាផ្ទៃបានអោយសាលាខេត្តបន្ទាយមានជ័យចាប់ផ្តើមធ្វើជូនប្រជាពលរដ្ឋរស់នៅខេត្តបន្ទាយមានជ័យមានសិទ្ធធ្វើចាប់ពីថ្ងៃទី០២ ខែមករា ឆ្នាំ២០១៨ រហូតដល់ថ្ងៃទី១១ ខែមករា ឆ្នាំ២០១៨នេះ ធ្វើហើយប្រគល់ជូនបានជិត៣០០ប័ណ្ណ នៅខ្លះទៀតកំពុងបំពេញឯកសារ ធ្វើជូនជាបណ្តើរៗ។
លោក សួន បវរ អភិបាលខេត្តបន្ទាយមានជ័យបានបញ្ជាក់ប្រាប់ថា ដោយកិច្ចព្រមព្រៀងចុះថ្ងៃទី១១ ខែកក្តដា ឆ្នាំ២០១៥ រវាងរដ្ឋាភិបាលនៃព្រះរាជាណាចក្រកម្ពុជានិងរាជរដ្ឋាភិបាលនៃព្រះរាជាណាចក្រថៃឡង់ដ៍ស្តីពីការឆ្លងកាត់ព្រំដែន។ លិខិតលេខ២៩៦៥MFA-IC/LC4ចុះថ្ងៃទី០១ ខែធ្នូឆ្នាំ២០១៧ របស់ក្រសួងការបរទេសនិងសហប្រតិបត្តិការអន្តរជាតិ។ លិខិតលេខ៤៥៩១ អរប ចុះថ្ងៃទី១៥ ខែធ្នូ ឆ្នាំ២០១៧ របស់អគ្គនាយកដ្ឋានរដ្ឋបាលក្រសួងមហាផ្ទៃ។
រដ្ឋបាលខេត្តបន្ទាយមានជ័យសូមជម្រាបជូនដំណឹងដល់បងប្អូនប្រជាពលរដ្ឋទូទៅដែលមានទីលំនៅអចិន្ត្រៃយ៍ក្នុងខេត្តអោយជ្រាបថាដើម្បីមានភាពងាយស្រួលក្នុងការផ្តល់សេវាអោយកាន់តែមានប្រសិទ្ធភាពអង្គភាពច្រកចេញចូលតែមួយនៃសាលាខេត្តបន្ទាយមានជ័យតម្រូវអោយបងប្អូនដែលប្រើប្រាស់នូវប័ណ្ណព្រំដែនកម្ពុជា-ថៃគំរូថ្មី។
បំពេញលក្ខខណ្ឌបែបបទនិងនីតិវិធីដូចខាងក្រោម៖ ១-ពាក្យស្នើសុំប័ណ្ណព្រំដែន១ច្បាប់ដោយមានបិតរូបថត ចុះហត្ថលេខា ឬផ្តិតស្នាមមេដៃស្តាំរបស់សាម៉ីខ្លួននៅលើពាក្យស្នើសុំ ២-រូបថតសាម៉ីខ្លួនបច្ចុប្បន្នទំហំ៤X៦ថតចំពីមុខ គ្មានពាក់មួកឬវ៉ែនតាចំនួន២សន្លឹក ៣-អត្តសញ្ញាណប័ណ្ណសញ្ជាតិខ្មែរថតចម្លងចំនួន១ច្បាប់ ៤-សេចក្តីចម្លងសំបុត្រកំណើតឬសំបុត្របញ្ជាក់កំណើតចំនួន១ច្បាប់ ៥-សេចក្តីចម្លងសៀវភៅគ្រួសារ ឬសៀវភៅស្នាក់នៅចំនួន១ច្បាប់ ៦-រូបថតកូនទំហំ៤X៦ចំនួន២សន្លឹកក្នុង១នាក់(ករណីមានកូនអាយុក្រោម១២ឆ្នាំដំណើរជាមួយ) ៧.កម្រៃសេវាក្នុង១ច្បាប់នៃប័ណ្ណព្រំដែនចំនួន២០,០០០រៀល ៨-រយៈពេលនៃការផ្តល់សេវាយ៉ាងយូរ៥ថ្ងៃបន្ទាប់ពីទទួលពាក្យស្នើសុំ។
មន្ត្រីសាលាខេត្តម្នាក់បានបង្ហើបប្រាប់ថា ការធ្វើប័ណ្ណព្រំដែនកម្ពុជា-ថៃនេះមានអ្នករត់ការធ្វើអោយប្រជាពលរដ្ឋនៅក្រៅខេត្តធ្វើក្នុង១នាក់យកតម្លៃ១៥០,០០០រៀល ហើយមន្ត្រីជំនាញកំពុងស្រាវជ្រាវរកមុខដើម្បីចាត់ការតាមច្បាប់បើសិនរកឃើញ ៕
ចំនួនអ្នកទស្សនា
- ថ្ងៃនេះ991
- ម្សិលមិញ12921
- សប្តាហ៍នេះ991
- ខែនេះ195591
- ឆ្នាំនេះ195591
- សរុប20638047