មុខសញ្ញាជួញដូរគ្រឿងញៀន ៥នាក់ត្រូវបាននគរបាលឃាត់ខ្លួន
12-January-2018 | ដោយ ពលមនសិការ
កំពង់ស្ពឺ ៖ កម្លាំងផ្នែកប្រឆាំងគ្រឿងញៀន សហការជាមួយកម្លាំងព្រហ្មទណ្ឌស្រុកសំរោងទង បានធ្វើការបង្ក្រាបករណីជួញដូរគ្រឿងញៀន។
លោកវរសេនីយ៍ឯក ឃុត សុផល អធិការស្រុកបានឲ្យដឹងថាៈ ករណីទី១-កាលពីថ្ងៃទី១១ ខែមករា ឆ្នាំ២០១៨ វេលាម៉ោង១៤និង៤០នាទី នៅចំណុចភូមិព្រៃគុយ ឃុំត្រពាំងគង ស្រុកសំរោងទង ឃាត់ខ្លួនមុខសញ្ញាជួញដូរគ្រឿងញៀនបានម្នាក់ឈ្មោះ វ័រ ផល ភេទប្រុស អាយុ៣០ឆ្នាំ នៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ដកហូតគ្រឿងញៀនចំនួន ២កញ្ចប់មធ្យម ម៉ូតូ មួយគ្រឿងម៉ាកគុបជ្រុង( ចាស់) ទូរស័ព្ទដៃ មួយគ្រឿង។
ករណីទី២-កាលពីថ្ងៃទី១១ ខែមករា ឆ្នាំ២០១៨ វេលាម៉ោង១៥និង៣០នាទី នៅចំណុចដីវាលខាងភូមិអូរវែង ឃុំកាហែង ស្រុកសំរោងទង បានឃាត់ខ្លួនមុខសញ្ញាជួញដូរគ្រឿងញៀន ម្នាក់ឈ្មោះ អ៊ឹម រ៉ាមី ភេទស្រី អាយុ២៨ឆ្នាំ នៅភូមិអណ្ដូងស្លា ឃុំតាំងក្រូច ស្រុកសំរោងទង ខេត្តកំពង់ស្ពឺ និងដកហូតបានម្សៅក្រាមពណ៌ស សង្ស័យជាគ្រឿងញៀនចំនួន ៤កញ្ចប់តូច ទូរស័ព្ទ មួយគ្រឿង និងម៉ូតូ ១គ្រឿង ម៉ាកនិច ពណ៌ស។
យោងតាមចម្លើយ អ៊ឹម រ៉ាមី ភេទស្រី បានបន្តសហកាជាមួយកម្លាំងជំនាញខេត្តនឹងកម្លាំងក្រុងច្បារមនឃាត់បានចំនួន៣នាក់ទៀតរួមមានទី១-ឈ្មោះ សេង ចំរើន ហៅ ចយ ប្រុស២៣ឆ្នាំ ភូមិភ្នំដី សង្កាត់ច្បារមន ក្រុងច្បារមននៅនឹងផ្ទះ ទី២-ឈ្មោ អ៊ីន សុវ៉ាន់ទិត្យ ភេទប្រុស អាយុ២០ឆ្នាំ ភូមិភ្នំដី ទី៣-ឈ្មោះ អ៊ីន សុខណា ភេទស្រី អាយុ១៧ឆ្នាំ ភូមិភ្នំដី សង្កាត់ច្បារមន ក្រុងច្បារមន ហើយបានធើ្វការឆែកឆេរផ្ទះ ដកហូតរួមមាន។
ដកហូតបានៈ គ្រឿងញៀន ៣កញ្ចប់ មធ្យម២តូច១កញ្ចប់ ជញ្ជីងថ្លឹងគ្រឿងញៀន១ទូរស័ព្ទ ១គ្រឿង សម្ភារសម្រាប់កែច្នៃគ្រឿងញៀននឹងថង់ប្លាស្ទិចសម្រាប់ច្រកគ្រឿងញៀនមួយចំនួនទៀត។
សរុបមនុស្ស៥នាក់ ស្រី២នាក់ ម៉ូតូ២គ្រឿង ទូរស័ព្ទ៣គ្រឿង ជញ្ជីង១ថ្នាំញៀន ៩កញ្ចប់ មធ្យម៤កញ្ចប់តូច៥កញ្ចប់ នឹងសម្ភារៈមួយចំនួន។ បច្ចុប្បន្នកម្លាំងជំនាញកំពុងកសាងឯកសារបញ្ជូនទៅសាលាដំបូងខេត្តដើម្បីបន្តនីតិវិធី ៕
ចំនួនអ្នកទស្សនា
- ថ្ងៃនេះ481
- ម្សិលមិញ12921
- សប្តាហ៍នេះ481
- ខែនេះ195081
- ឆ្នាំនេះ195081
- សរុប20637537