ជនសង្ស័យម្នាក់ត្រូវបានកម្លាំងបញ្ជូនទៅពន្ធនាគារខេត្ត ពាក់ព័ន្ធករណីហិង្សា
12-January-2018 | ដោយ ពលមនសិការ
កំពង់ចាម ៖ ករណីហិង្សាប្រព្រឹត្តដោយសហព័ន្ធ ឬអនីតិសង្វាសជន ដែលកម្លាំងអធិការដ្ឋាននគរបាលស្រុកស្ទឹងត្រង់ បានបង្ក្រាប កាលពីថ្ងៃទី០៦ ខែមករា ឆ្នាំ២០១៨ ត្រូវបានលោកស្រី លី ម៉ារីណា ចៅក្រមស៊ើបសួរសាលាដំបូងខេត្តកំពង់ចាម បានចេញដីកាបង្គាប់ឲ្យឃុំខ្លួនលេខ ៣៣ ចុះថ្ងៃទី១០ ខែមករា ឆ្នាំ២០១៨ សម្រេចឃុំខ្លួនជនជាប់ចោទចំនួន០១នាក់ ពីបទ ហិង្សាប្រព្រឹត្តដោយសហព័ន្ធ ឬអនីតិសង្វាសជន ដែលប្រព្រឹត្តកាលពីថ្ងៃទី០៦ ខែមករា ឆ្នាំ២០១៨ នៅភូមិសំរោង ឃុំអូរម្លូ ស្រុកស្ទឹងត្រង់ ខេត្តកំពង់ចាម ។
សូមរំលឹកផងដែរថាៈកាលពីថ្ងៃទី០៦ ខែមករា ឆ្នាំ២០១៨ កម្លាំងអធិការដ្ឋាននគរបាលស្រុកស្ទឹងត្រង់ បានបង្ក្រាប ហើយបានធ្វើការឃាត់ខ្លួនជនសង្ស័យចំនួន០១នាក់។
ឈ្មោះ រឿន ចន្ថា ភេទប្រុស អាយុ២៧ឆ្នាំ ជនជាតិខ្មែរ មុខរបរ រត់តាក់ស៊ី មានទីកន្លែងកំណើតនៅភូមិតាំងក្រាំង ឃុំជីបាល ស្រុកស្រីសន្ធរ ខេត្តកំពង់ចាម និងទីលំនៅមុនពេលឃាត់ខ្លួននៅភូមិសំរោង ឃុំអូរម្លូ ស្រុកស្ទឹងត្រង់ ខេត្តកំពង់ចាម។
បច្ចុប្បន្នជនជាប់ចោទត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារខេត្តកំពង់ចាម រួចរាល់ហើយ នៅថ្ងៃទី១០ ខែមករា ឆ្នាំ២០១៨ ទៅតាមបញ្ញត្តិច្បាប់មាត្រា ២២២ នៃក្រមព្រហ្មទណ្ឌ៕
ចំនួនអ្នកទស្សនា
- ថ្ងៃនេះ711
- ម្សិលមិញ12921
- សប្តាហ៍នេះ711
- ខែនេះ195311
- ឆ្នាំនេះ195311
- សរុប20637767