ជិះម៉ូតូមិនប្រកាន់ស្តាំងត្រូវរថយន្តបុកស្លាប់នៅក្រុងបាវិត
12-January-2018 | ដោយ ពលមនសិការ
ស្វាយរៀង ៖ កាលពីថ្ងៃព្រហស្បតិ៍ ១០រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១១ ខែមករា ឆ្នាំ២០១៨ វេលាម៉ោង២២និង០៥នាទី នៅលើផ្លូវជាតិលេខ៣១៦A ស្ថិតក្នុងភូមិគោកល្វៀង សង្កាត់ព្រៃអង្គុញ ក្រុងបាវិត ខេត្តស្វាយរៀង មានករណីគ្រោះថ្នាក់ ចរាចរណ៍មួយកើតឡើង រវាងរថយន្តនិងម៉ូតូ ក្នុងទិសដៅបញ្ច្រាសទិសគ្នា ពីលិចទៅកើត។
សមត្ថកិច្ចបានឲ្យដឹងថាមុនពេលកើតហេតុមានម៉ូតូ០១គ្រឿងម៉ាកហុងដាC125 ពាក់ស្លាកលេខ កំពត 1E-0058អ្នកបើកបរដោយឈ្មោះ រស់ សាបុល ភេទប្រុស អាយុ៣៩ឆ្នាំ ជនជាតិខ្មែរ មុខរបរធ្វើស្រែ រស់នៅភូមិដីក្រហម ឃុំមេសថ្ងក ស្រុកចន្ទ្រា ខេត្តស្វាយរៀង បើកបរពីលិចទៅកើតពាក់មួកសុវត្ថិភាពបណ្តាលឲ្យស្លាប់នៅកន្លែងកើតហេតុ លុះមកដល់ចំណុចកើតហេតុ ខាងលើក៏បានបុកប៉ះនិងរថយន្តមួយគ្រឿងម៉ាកLEXLIS RX300 ពណ៌ទឹកមាសស្លាកលេខ គ្មានបើកបរដោយឈ្មោះ អ៊ុន ចិន្ថា ភេទប្រុស អាយុ៣១ឆ្នាំភេទប្រុស ជនជាតិខ្មែរ មុខរបរបើកបរនៅភូមិរោងបន្លែសង្កាត់ស្វាយរៀង ក្រុង/ខេត្តស្វាយរៀង។ មូលហេតុ អ្នកបើកបរម៉ូតូមិនប្រកាន់ស្តាំ។
បច្ចុប្បន្ន សាកសពសមត្ថកិច្ចយើងបានប្រគល់ឲ្យក្រុមគ្រួសារយកទៅធ្វើបុណ្យតាមតាមទំនៀមទម្លាប់ប្រពៃណីខ្មែរ។ មធ្យោបាយទាំង០២គ្រឿង ខូចខាតធ្ងន់។ សមត្ថកិច្ចយើង យកមករក្សាទុកនៅប៉ុស្តិ៍នគរបាលរដ្ឋបាលសង្កាត់ព្រៃអង្គុញជាបណ្តោះអាសន្ន ដើម្បីកសាងសុំណុំរឿង ចាត់ការបន្ត ៕
ចំនួនអ្នកទស្សនា
- ថ្ងៃនេះ491
- ម្សិលមិញ12921
- សប្តាហ៍នេះ491
- ខែនេះ195091
- ឆ្នាំនេះ195091
- សរុប20637547