ប្តីខឹងប្រពន្ធចេញពីផ្ទះមិនប្រាប់មកវិញប្តីទាញកាំបិតចាក់ប្រពន្ធនិងកូនប្រុសរងរបួសធ្ងន់
15-January-2018 | ដោយ ពលមនសិការ
បាត់ដំបង ៖ ករណីហិង្សាដោយចេតនាក្នុងគ្រួសារបង្កដោយជនសង្ស័យឈ្មោះ ប៉ិច សំអាត ភេទប្រុស អាយុ៥១ឆ្នាំ (ជាឪពុកនិងជាប្តី) បានប្រើប្រាស់កាំបិតកាប់ និងចាក់ទៅលើប្រពន្ធនិងកូនបណ្ដាលឲ្យរបួសធ្ងន់កាលពីថ្ងៃទី១៣ ខែមករា ឆ្នាំ២០១៨ វេលាម៉ោង១៩និង៣០នាទី នៅចំណុចឆ្លាក ភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ។
លោកវរសេនីយ៍ទោ ឆាង វណ្ណឆៃ អធិការនគរបាលស្រុកគាស់ក្រឡ បានឲ្យដឹងថា ជនរងគ្រោះទាំង២នាក់ រួមមានទី១-ឈ្មោះ ឈៀវ សាខន ភេទស្រី អាយុ៣៩ឆ្នាំ (ប្រពន្ធ) រងរបួសចំត្រង់ដោះខាងស្តាំចំនួន១កាំបិត និងទី២-ឈ្មោះ ខ្លូត សុខា ភេទប្រុស អាយុ២២ឆ្នាំ (កូនប្រុសបង្កើត) រងរបួសចំត្រង់ដៃឆ្វេងមួយកាំបិត និងជង្គង់ស្តាំ១កាំបិត បណ្តាលឲ្យរងរបួសធ្ងន់។
លោកអធិការបានបញ្ជាក់ថា មូលហេតុគឺបណ្តាលមកពីបុរសជាប្តីខឹងប្រពន្ធចាកចោលផ្ទះមិនប្រាប់ ពេលមកវិញក៏ធ្វើសកម្មភាពចាក់ទៅលើប្រពន្ធ តែត្រូវកូនប្រុសឃាត់ក៏បណ្តាលឲ្យរងរបួស។ បច្ចុប្បន្នជនសង្ស័យសមត្ថកិច្ចឃាត់ខ្លួនបានកំពុងកសាងសំណុំរឿងបញ្ជូនទៅសាលាដំបូងខេត្ត៕
ចំនួនអ្នកទស្សនា
- ថ្ងៃនេះ521
- ម្សិលមិញ12921
- សប្តាហ៍នេះ521
- ខែនេះ195121
- ឆ្នាំនេះ195121
- សរុប20637577