រថយន្តក្រុងទេសចរណ៍បុកម៉ូតូរ៉ឺម៉កបណ្តាលឲ្យបុរសម្នាក់ស្លាប់ភ្លាមៗ
15-January-2018 | ដោយ ពលមនសិការ
សៀមរាប ៖ បុរសម្នាក់បានស្លាប់ភ្លាមៗនៅហ្នឹងកន្លែងកើតហេតុបន្ទាប់ពីជួបគ្រោះថ្នាក់ចរាចរណ៍រវាងរថយន្តក្រុងទេសចរណ៍បុកម៉ូតូ។ ហេតុការណ៍គ្រោះថ្នាក់ខាងលើបានកើតឡើងកាលពីរសៀលថ្ងៃទី១៤ ខែមករា ឆ្នាំ២០១៨នេះ នៅតាមបណ្តោយផ្លូវ៦០ម៉ែត្រ ស្ថិតនៅចំណុចភូមិចុងកៅស៊ូសង្កាត់ស្លក្រាម ក្រុងសៀមរាប។
មន្ត្រីនគរបាលចរាចរណ៍ បានប្រាប់ឲ្យដឹងថា រថយន្តទេសចរណ៍បានបើកបរមកពីទិសខាងជើងទៅទិសខាងត្បូង រីឯម៉ូតូរ៉ឺម៉កបានបើកបរមកពីទិសខាងត្បូងទៅទិសខាងជើង បញ្ច្រាសទិសគ្នា ហើយបានបុកពេញទំហឹង បណ្តាលឲ្យអ្នកបើកបរម៉ូតូរ៉ឺម៉កបានស្លាប់ភ្លាមៗនៅហ្នឹងកន្លែងកើតហេតុ ហើយចំណែក ម្ចាស់រថយន្ត បានរត់គេចខ្លួនបាត់។
មន្ត្រីប៉ូលីសចរាចរណ៍បានបន្តទៀតថា ជនរងគ្រោះ ដែលស្លាប់បាត់បង់ជីវិតមានឈ្មោះ សារិន ភេទប្រុស អាយុ៣៨ឆ្នាំ មានទីលំនៅភូមិស្រះស្រង់ជើង សង្កាត់នគរធំ ក្រុងសៀមរាប។
បច្ចុប្បន្នរថយន្ត និងម៉ូតូរ៉ឺម៉ករបស់ជនរងគ្រោះ បានបញ្ជូនទៅកាន់ការិយាល័យនគរបាលចរាចរណ៍នៃស្នងការដ្ឋាននគរបាលខេត្តសៀមរាប ដើម្បីរង់ចាំធ្វើការដោះស្រាយតាមនិតិវិធី ៕
ចំនួនអ្នកទស្សនា
- ថ្ងៃនេះ2141
- ម្សិលមិញ5781
- សប្តាហ៍នេះ7931
- ខែនេះ202531
- ឆ្នាំនេះ202531
- សរុប20644987