សិស្សានុសិស្សអនុវិទ្យាល័យជិត១,០០០នាក់ បានទទួលការណែនាំពីចំណីដែលបរិភោគប៉ះពាល់សុខភាព
16-January-2018 | ដោយ ពលមនសិការ
បន្ទាយមានជ័យ ៖ នៅព្រឹកថ្ងៃទី១៦ ខែមករា ឆ្នាំ២០១៨សិស្សានុសិស្សអនុវិទ្យាល័យជិត១,០០០នាក់ បានទទួលការណែនាំពីចំណីអាហារដែលបរិភោគប៉ះពាល់សុខភាពដោយមន្ត្រីកាំកុងត្រូល នៅអនុវិទ្យាល័យព្រះនេត្រព្រះ ខេត្តបន្ទាយមានជ័យ។
លោក ហុង លៀង អនុប្រធានសាខាកាំកុងត្រូលខេត្តបន្ទាយមានជ័យបានមានប្រសាសន៍ថា ដោយមានការណែនាំពីអគ្គនាយកដ្ឋានកាំកុងត្រូលដើម្បីពង្រឹងការងារសុខមាលភាពជូនបងប្អូនប្រជាពល រដ្ឋហើយមន្ត្រីសាខាកាំកុងត្រូលខេត្តបន្ទាយមានជ័យបានសហការជាមួយមន្ត្រីសមត្ថកិច្ចពាក់ព័ន្ធបានចុះពិនិត្យទំនិញតាមទីផ្សាររកទំនិញខូចគុណភាពនិងផ្សព្វផ្សាយណែនាំដល់សិស្សានុសិស្សតាមសា លារៀនអោយមានការយល់ដឹងពីផលប៉ះពាល់ការបរិភោគចំណី អាហារ។
លោកបានបញ្ជាក់ថាការផ្សព្វផ្សាយនិងណែនាំអប់រំផលិតផលម្ហូបអាហារដែលប៉ះពាល់សុខភាពសូមពិចារណាមុននឹងជ្រើសរើសផលិតផលម្ហូបអាហារណាមួយមកបរិភោគ។
លោក ហុង លៀង បានណែនាំដូចផលិតផលដែលសំបកវេចខ្ចប់មានស្លាកសញ្ញាត្រឹមត្រូវ ត្រូវចៀសវាងការជ្រើសរើសផលិតផលម្ហូបអាហារណាមួយមុននិងបរិភោគត្រូវពិនិត្យការបរិច្ឆេទ ឬកំណត់ការប្រើប្រាស់ គ្មានស្លាកសញ្ញាត្រឹមត្រូវ ក្លែងបន្លំគុណភាពចំណីអាហារដាក់លក់គ្មានការអនាម័យមានរុយរោមហុយធូលីនិងកាកសំណល់ផ្សេងៗ ការដាក់តាំងលក់ជិតផលិតផលគីមីមាន(សាប៊ូជីកសិកម្ម ថ្នាំបាញ់សម្លាប់សត្វល្អិត) ការដាក់លក់ផ្ទាល់ដីទីតាំងជិតលូទឹកស្អុយ កន្លែងមានភក់ជ្រាំ លក់គ្មានអនាម័យ ឬមានជំងឺប្រចាំកាយ ចំណីអាហារដែលមានសត្វល្អិតចម្លងមេរោគ។
លោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យបានមានប្រសាស៍អប់រំដល់សិស្សានុសិស្សសាលាអនុវិទ្យាល័យព្រះនេត្រព្រះជិត១,០០០នាក់ ដែលបានចូលរួមត្រូវយល់ដឹងចំណីអាហារដែលប៉ះពាល់សុខភាពប្រើប្រាស់សារធាតុគីមីមានដូចជាសម្រាប់ធ្វើអោយមានពណ៌ស ស្រស់ អោយស្វិត ស្រស់ឆើតឆាយទាក់ភ្នែក អោយសាច់ស្រស់ទុកបានយូរ អំបិលដែលគ្មានជាតិអ៊ីយ៉ូតបណ្តាលអោយមានជំងឺផ្សេងៗ ការប្រើប្រាស់សារជាតិគីមីពុល ឬត្រាំឬសឈើ មានជាតិពុលដែលនាំអោយប៉ះពាល់សុខភាព។
លោកបានណែនាំដល់សិស្សានុសិស្សមុនបរិភោគចំណីអាហារត្រូវពិនិត្យមើលផលិតផលអោយបានច្បាស់លាស់ការពារសុខមាលភាពការកាត់បន្ថយភាពក្រីក្រជូនប្រជាពលរដ្ឋ ៕
ចំនួនអ្នកទស្សនា
- ថ្ងៃនេះ2271
- ម្សិលមិញ5781
- សប្តាហ៍នេះ8061
- ខែនេះ202661
- ឆ្នាំនេះ202661
- សរុប20645117